പുതുക്കാട്: ശബരിമല കര്‍മസമിതിയുടെ നേതൃത്വത്തില്‍ കഴിഞ്ഞ ഹര്‍ത്താല്‍ ദിനത്തില്‍ നടന്ന പ്രകടനത്തിനിടെ മാധ്യമ പ്രവര്‍ത്തകരെ ആക്രമിക്കുകയും പുതുക്കാട് എന്‍സിടിവി ചാനലിന്റെ കാമറ തല്ലിതകര്‍ക്കുകയും ചെയ്ത സംഭവത്തില്‍ ഏഴുപേരെകൂടി പുതുക്കാട് പൊലിസ് അറസ്റ്റുചെയ്തു. കല്ലൂര്‍ മേപ്പുറത്ത് അമ്പാടി (34), സ്‌നേഹപുരം കുംഭാരന്‍ വീട്ടില്‍സുധി (19),പച്ചളിപുറം സ്വദേശികളായ കിഴക്കൂട്ട് പ്രദീപ് (39),ആലുവക്കാരന്‍ അജിത് (30),കാര്യാട്ട് രഞ്ജിത്ത് (29), കൊല്ലേരി പ്രവീണ്‍ (32),കാര്യാട്ട് രാജീവ് (34) എന്നിവരെയാണ് പുതുക്കാട് പൊലിസ് അറസ്റ്റുചെയ്തത്. ഇവരെ കോടതിയില്‍ ഹാജരാക്കി. കേസില്‍ 4 പേരെ പൊലിസ് കഴിഞ്ഞ ദിവസം അറസ്റ്റുചെയ്തിരുന്നു. ഇതോടെ കേസില്‍ ആകെ 11പേര്‍ അറസ്റ്റിലായി.