എടപ്പാള്‍: അടച്ചിട്ട വീട്ടില്‍ നടന്ന മോഷണത്തില്‍ ലാപ്‌ടോപ്പ് നഷ്ടപെട്ടു. നെല്ലിശ്ശേരി തച്ചാരത്ത് കണ്ടംകുളങ്ങര അബ്ദുല്‍ റഷീദിന്റെ വീട്ടിലാണ് മോഷണം നടന്നത്. അബ്ദുല്‍ റഷീദ് ഗള്‍ഫിലാണ്. ഭാര്യ വീട് പൂട്ടി തിരൂരിലുള്ള ബന്ധുവീട്ടില്‍ പോയിരുന്നു. വീടിന്റെ ടെറസിലെ വാതില്‍ തകര്‍ത്താണ് മോഷ്ടാവ് അകത്ത് കടന്നിട്ടുള്ളത്. വീട്ടിനുള്ളിലെ എല്ലാ വാതിലുകളുടെയും പൂട്ട് തകര്‍ക്കുകയും സാധനങ്ങള്‍ വാരിവലിച്ചിടുകയും ചെയ്തിട്ടുണ്ടണ്ട്. സമീപത്ത് താമസിക്കുന്ന ബന്ധുക്കള്‍ ഇന്നലെ രാവിലെ വീട്ടിലെത്തിയപ്പോഴാണ് മോഷണവിവരം അറിയുന്നത്. ചങ്ങരംകുളം എസ്.ഐ കെ.പി.മനീഷിന്റെ നേതൃത്വത്തിലുള്ള പൊലിസ് സംഘം സ്ഥലത്ത് പരിശോധന നടത്തി.