പെരുമ്പാവൂര്‍: ഗൃഹോപകരണങ്ങള്‍ സൂക്ഷിച്ചിരുന്ന ഗോഡൗണിന് തീപിടിച്ച് വന്‍ നാശനഷ്ടം. തണ്ടേക്കാട് സ്വദേശി വളയിന്‍പാറ വീട്ടില്‍ ഷംസ് അബ്ബാസിന്റെ ഉടമസ്ഥതയിലുള്ള ഫ്രിഡ്ജ്, വാഷിംഗ് മെഷീന്‍ എന്നിവ സൂക്ഷിച്ചിരുന്ന ഗോഡൗണിലാണ് തീപിടുത്തമുണ്ടായത്. ഇന്നലെ വൈകീട്ട് മൂന്ന് മണിയോടെയാണ് സംഭവം. ഫ്രിഡ്ജ്, വാഷിംഗ് മെഷീന്‍ എന്നിവയുടെ സെക്കന്റ്‌സ് സെയില്‍സ് ആന്റ് സര്‍വ്വീസിംഗ് സെന്ററായാണ് ഗോഡൗണ്‍ പ്രവര്‍ത്തിച്ചിരുന്നത്. പെരുമ്പാവൂരില്‍ നിന്നെത്തിയ രണ്ട് യൂണിറ്റ് ഫയര്‍ ഫോഴ്‌സ് സംഘം ഒരു മണിക്കൂറോളം നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. നാശനഷ്ടം എത്രയെന്ന് തിട്ടപ്പെടുനത്താനായിട്ടില്ല. വേസ്റ്റിന് തീയിട്ടതില്‍ പടര്‍ന്ന് പിടിച്ചാണ് അപകടമെന്ന് ഫയര്‍ ഫോഴ്‌സ് പറഞ്ഞു. രക്ഷാപ്രവര്‍ത്തനത്തിനിടെ ഫ്രിഡ്ജില്‍ ഉപയോഗിക്കുന്ന ക്ലോറോഫഌറോ വാതകം ചോര്‍ന്നതിനെ തുടര്‍ന്ന് ഫയര്‍മാന്‍ ഹാഷിമിന് ശ്വാസതടസം നേരിട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു. അസി.സ്റ്റേഷന്‍ ഓഫീസര്‍ എന്‍.എ ഹസൈനാറുടെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനം നടത്തിയത്.