പാരിസ്: യൂറോ കപ്പ് മത്സരങ്ങളുടെ ആവേശം ആരംഭിച്ചിരിക്കെ കളി പ്രേമികളെ പോലെ ഇന്ത്യന്‍ ക്രിക്കറ്റ് താരങ്ങളും തങ്ങളുടെ പ്രിയപ്പെട്ട ടീം ഏതാണെന്ന് വ്യക്തമാക്കിയിരുന്നു. കഴിഞ്ഞ ദിവസം ഇന്ത്യന്‍ ടെസ്റ്റ് ടീം നായകന്‍ വിരാട് കോഹ്‌ലി ജര്‍മനി തന്റെ പ്രിയ ടീമാണെന്ന് പറഞ്ഞിരുന്നു.

എന്നാല്‍ ഇതിന് അപ്രതീക്ഷിതമായൊരു നന്ദി കോഹ്‌ലിയെ തേടിയെത്തിരിക്കുകയാണ്. ജര്‍മനിയുടെ മധ്യനിരയിലെ കരുത്തുറ്റ താരം ടോണി ക്രൂസാണ് താരത്തിന് നന്ദി അറിയിച്ചത്. ട്വിറ്ററിലൂടെയായിരുന്നു നന്ദി പ്രകടനം. ടീമിനെ പിന്തുണച്ചതിന് കോഹ്‌ലിക്ക് സമ്മാനം നല്‍കുമെന്നും ക്രൂസ് വ്യക്തമാക്കിയിട്ടുണ്ട്.