കൊച്ചി: ഇന്ത്യ ബി.ജെ.പി നേതാക്കളുടെ സ്വകാര്യസ്വത്തല്ലെന്ന് സി.പി.എം നേതാവ് എം.വി ജയരാജന്‍. മുഖ്യമന്ത്രിയുടേതു മാത്രമല്ല ഏതൊരു പൗരന്റെയും സഞ്ചാരസ്വാതന്ത്ര്യം തടയാന്‍ ബി.ജെ.പിക്കാവില്ല.
രാജ്യത്തെ ഭരണഘടനയനുസരിച്ചല്ല ബി.ജെ.പി ഭരിക്കുന്നതെന്ന് ഒരിക്കല്‍ കൂടി തെളിയിക്കുന്നതാണു മുഖ്യമന്ത്രി പിണറായി വിജയനെ മംഗളൂരുവില്‍ തടയുമെന്ന പ്രഖ്യാപനമെന്നും ജയരാജന്‍ കൊച്ചിയില്‍ വാര്‍ത്താസമ്മേളനത്തിനിടെ പറഞ്ഞു.
സംസ്ഥാനത്ത് രണ്ടുശതമാനം ബി.ജെ.പിക്കാര്‍ മാത്രമുണ്ടായിരുന്ന കാലത്ത് ആളുകളെ കൊല്ലുകയും തിരിച്ചടിക്കുകയും ചെയ്തിട്ടുണ്ടെന്നാണ് ബി.ജെ.പി നേതാവ് കെ. സുരേന്ദ്രന്‍ പ്രസംഗിച്ചത്.
കൊലക്കേസ് രജിസ്റ്റര്‍ ചെയ്യാന്‍ പര്യാപ്തമായ വെളിപ്പെടുത്തലാണ് സുരേന്ദ്രന്‍ നടത്തിയതെന്നും പ്രസംഗത്തിന്റെ പേരില്‍ കേസെടുക്കണമെന്നും ജയരാജന്‍ ആവശ്യപ്പെട്ടു.