കൂത്തുപറമ്പ്: കൂത്തുപറമ്പ് എക്‌സൈസ് സംഘം നടത്തിയ വാഹന പരിശോധനയില്‍ സ്‌കൂട്ടറില്‍ കടത്തുകയായിരുന്ന 78 കുപ്പി മാഹി മദ്യവുമായി ഒരാള്‍ അറസ്റ്റില്‍. കോഴിക്കോട് കുറ്റ്യാടിയിലെ എടച്ചേരിക്കണ്ടി വീട്ടില്‍ ഇ.കെ ബാബുവിനെ (44) ആണ് എക്‌സൈസ് റെയ്ഞ്ച് പ്രിവന്റീവ് ഓഫിസര്‍ സുധീര്‍ വാഴവളപ്പില്‍ അറസ്റ്റുചെയ്തത്. ചൊക്ലി ബീഡി പീടികയ്ക്കു സമീപം വാഹന പരിശോധന നടത്തവെയാണ് ഇയാള്‍ പിടിയിലായത്.
മദ്യം കടത്താന്‍ ഉപയോഗിച്ച സ്‌കൂട്ടറും കസ്റ്റഡിയിലെടുത്തു. സിവില്‍ എക്‌സൈസ് ഓഫിസര്‍മാരായ കെ. ശ്രീജിത്ത്, ഷാജി അളോക്കന്‍, പ്രജീഷ് കോട്ടായി, പ്രനില്‍ കുമാര്‍, പി. ജലീഷ്, ഡ്രൈവര്‍ അജിത്ത് എന്നിവരാണ് എക്‌സൈസ് സംഘത്തിലുണ്ടായിരുന്നത്.