സസ്‌പെന്‍ഷന്‍
കോഴിക്കോട്: ഇടതുമുന്നണി സംഘടിപ്പിച്ച മനുഷ്യമഹാശൃംഖലയില്‍ കുടുംബസമേതം പങ്കെടുക്കുകയും പാര്‍ട്ടിയെയും യു.ഡി.എഫിനെയും വിമര്‍ശിക്കുകയും ചെയ്ത മുസ്‌ലിംലീഗ് നേതാവിനു സസ്‌പെന്‍ഷന്‍. ലീഗ് ബേപ്പൂര്‍ നിയോജകമണ്ഡലം വൈസ് പ്രസിഡന്റും ഫറോക്ക് കരുവന്‍തിരുത്തി സഹകരണ ബാങ്ക് പ്രസിഡന്റുമായ കെ.എം ബഷീറിനെയാണ് അന്വേഷണ വിധേയമായി പാര്‍ട്ടിയില്‍ നിന്ന് സസ്‌പെന്‍ഡ് ചെയ്തത്.
ഇതേക്കുറിച്ച് ജില്ലാ വൈസ് പ്രസിഡന്റ് അഹമ്മദ് പുന്നക്കല്‍ അന്വേഷണം നടത്തി പത്തുദിവസത്തിനകം റിപ്പോര്‍ട്ട് സമര്‍പ്പിക്കുമെന്ന് മുസ്‌ലിംലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല അറിയിച്ചു. ഫറോക്ക് ചുങ്കത്താണ് കെ.എം ബഷീര്‍ മനുഷ്യമഹാശൃംഖലയുടെ ഭാഗമായത്. ഭാര്യ ലൈല, മകന്‍ ഷിബാസ് എന്നിവര്‍ക്കൊപ്പമാണ് അദ്ദേഹം സമരത്തില്‍ അണിനിരന്നത്.
മനുഷ്യമഹാശൃംഖലയില്‍ പങ്കെടുത്തതിനുശേഷം ചാനലുകളില്‍ അദ്ദേഹം മുസ്‌ലിം ലീഗിനെയും യു.ഡി.എഫിനെയും വിമര്‍ശിച്ചിരുന്നു. മനുഷ്യമഹാശൃംഖലയില്‍ പങ്കെടുത്തത് പൊറുക്കാന്‍ തയാറാണെന്ന് ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല പറഞ്ഞു.