കോഴിക്കോട്: ട്രന്റ് പ്രീ സ്‌കൂള്‍ കോര്‍ഡിനേഷനുകീഴില്‍ പ്രവര്‍ത്തിക്കുന്ന വിവിധ സ്‌കൂളുകളില്‍ നടന്ന 'അല്‍ഫാത്തിഹ' മത്സരങ്ങളുടെ സംസ്ഥാനതല മത്സരം നാളെ കോഴിക്കോട് ഫറൂഖ് കോളജില്‍ നടക്കും. യൂനിറ്റ്, മേഖല മത്സരങ്ങളെ തുടര്‍ന്ന് നടക്കുന്ന സംസ്ഥാനതല മത്സരത്തില്‍ അമ്പതോളം സ്‌കൂളുകള്‍ പങ്കെടുക്കും.
എല്‍.കെ.ജി, യു.കെ.ജി വിദ്യാര്‍ഥികളുടെ ഖുര്‍ആന്‍, ഹിഫ്‌ള് പാരായണം മത്സരങ്ങളാണ് പ്രധാന മത്സരയിനങ്ങള്‍. മത്സരം എസ്.കെ.എസ്.എസ്.എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. സത്താര്‍ പന്തലൂര്‍ മുഖ്യാതിഥിയാകും.

സംസ്ഥാന, ജില്ലാതല നേതാക്കള്‍, സാംസ്‌കാരിക നായകന്മാര്‍, ട്രന്റ് ഡയരക്ടര്‍ ഡോ. ടി.എ മജീദ് കൊടക്കാട്, ചെയര്‍മാന്‍ റഹീം മാസ്റ്റര്‍ ചുഴലി, കണ്‍വീനര്‍ റഷീദ് കൊടിയൂറ, സെക്രട്ടറി നൗഫല്‍ വാകേരി തുടങ്ങിയവര്‍ പങ്കെടുക്കും. പ്രീ സ്‌കൂള്‍ ചെയര്‍മാന്‍ ഷാഹുല്‍ ഹമീദ് മേല്‍മുറി വിജയികള്‍ക്കുള്ള സമ്മാന വിതരണം നടത്തും.