കണ്ണൂര്‍: കോ ഓര്‍ഡിനേഷന്‍ ഓഫ് ഇസ്‌ലാമിക് കോളജസ് (സി.ഐ.സി) നിയന്ത്രണത്തിലുള്ള കേരളത്തിലെ സമന്വയ വിദ്യാഭ്യാസ സ്ഥാപനങ്ങളുടെ പതിനൊന്നാമത് വാഫി കലോത്സവത്തിന് ഇത്തവണ കണ്ണൂര്‍ ആതിഥേയത്വം വഹിക്കും. 20ന് രാവിലെ ഒന്‍പത് മുതല്‍ മുണ്ടയാട് ഇന്‍ഡോര്‍ സ്റ്റേഡിയത്തിലാണ് കലാ മാമാങ്കം നടക്കുന്നത്.

പരിപാടിയുടെ വിജയത്തിനായി സ്വാഗതസംഘം രൂപീകരണ യോഗം വി.കെ അബ്ദുല്‍ഖാദര്‍ മൗലവി ഉദ്ഘാടനം ചെയ്തു. മുസ്തഫ എളമ്പാറ അധ്യക്ഷനായി. കോ ഓര്‍ഡിനേഷന്‍ ഓഫ് ഇസ്‌ലാമിക് കോളജസ് (സി.ഐ.സി) കോ ഓര്‍ഡിനേറ്റര്‍ പ്രൊഫ. അബ്ദുല്‍ ഹകീം ഫൈസി ആദൃശ്ശേരി മുഖ്യപ്രഭാഷണംനടത്തി. അബ്ദുറഹ്മാന്‍ കല്ലായി, സി.കെ.കെ മാണിയൂര്‍, ഇബ്രാഹീം ഫൈസി റിപ്പണ്‍, ഇബ്രറാഹീം ബാഖവി പൊന്ന്യം, അന്‍സാരി തില്ലങ്കേരി, എ.കെ അബ്ദുല്‍ ബാഖി, പി.ടി മുഹമ്മദ്, ബശീര്‍ ഫൈസി മാണിയൂര്‍, ഇബ്രാഹീംകുട്ടി തിരുവട്ടൂര്‍, ബുജൈര്‍ വാഫി, ഡോ. താജുദീന്‍ വാഫി, എം.പി മുഹമ്മദലി, കെ.പി ത്വാഹിര്‍, കെ.പി മുഹമ്മദ് സംസാരിച്ചു.