വാടാനപ്പള്ളി : നാട്ടികയില്‍ മൂന്നംഗസംഘം വീട് കയറി യുവാവിനെ ആക്രമിച്ചതായി പരാതി.നാട്ടിക പഴയ കോട്ടന്‍മില്ലിന് സമീപം മുത്തംകണ്ടത്ത് രതീഷാണ് ആക്രമിക്കപ്പെട്ടത്. ഇന്നു രാവിലെയാണ് സംഭവം.
കുളി കഴിഞ്ഞ് വീടിനകത്തുകയറിയ രതീഷിനെ അതിക്രമിച്ചു കയറിയ മൂന്നംഗ സംഘം ആക്രമിക്കുകയായിരുന്നുവെന്ന് പറയുന്നു. രതീഷിന്റെ ഇടതുകൈയ്ക്ക് വൈപ്പര്‍ കൊണ്ട് അടിയേറ്റു. രതീഷിന്റെ ഭാര്യ ദീഷ്മയെ സംഘം ഭീഷണിപ്പെടുത്തുകയും ചെയ്തു.
രതീഷിനെ കൊല്ലമെന്ന് ഭീഷണിപ്പെടുത്തിയ സംഘം കുട്ടികള്‍ നിലവിളിച്ചതോടെ പിന്മാറുകയായിരുന്നു. അയല്‍വാസിയാണ് തന്നെ ആക്രമിക്കാന്‍ സംഘത്തെ ഏര്‍പ്പാടാക്കിയതെന്നും ഇയാളുടെ മരുമകനും സംഘത്തിലുണ്ടായിരുന്നുവെന്നും രതീഷ് പറഞ്ഞു.രതീഷിനെ വലപ്പാട് ഗവണ്‍മെന്റ് ആശുപത്രിയില്‍ പ്രവേശിപ്പിച്ചു.