കൊടുവള്ളി: നൂറാം വാര്‍ഷികം ആഘോഷിക്കുന്ന മുട്ടാഞ്ചേരി ഹസനിയ എ.യു .പി സ്‌കൂളിന് പൂര്‍വ വിദ്യാര്‍ഥിയുടെ വക നൂറ് പുസ്തകങ്ങള്‍.
മുന്‍ അധ്യാപിക പരേതയായ എം. റുഖിയയുടെയും പി.കെ ഉബൈദിന്റെയും മകനും ദൂരദര്‍ശന്‍ കോഴിക്കോട് കേന്ദ്രത്തിലെ എഞ്ചിനിയറുമായ പി.കെ അന്‍വറാണ് പുസ്തകങ്ങള്‍ നല്‍കിയത്. സ്‌കൂളില്‍ നടന്ന ചടങ്ങില്‍ പുസ്തകങ്ങള്‍ പി.കെ അന്‍വര്‍ പ്രധാനാധ്യാപകന്‍ ചോലക്കര മുഹമ്മദിന് കൈമാറി. ആയിരത്തോളം വിദ്യാര്‍ഥികള്‍ പഠിക്കുന്ന ഹസനിയ സ്‌കൂള്‍ ഇപ്പോള്‍ മടവൂര്‍ സി.എം മഖാം ഓര്‍ഫനേജ് കമ്മിറ്റിയാണ് നിയന്ത്രിക്കുന്നത്. മുന്‍ പ്രധാനാധ്യാപകനായിരുന്ന പി.കെ ഹമീദിന്റെ ഓര്‍മക്കായി മകന്‍ ഡോ. പി.കെ നസീം സ്‌കൂളിന് സ്മാര്‍ട്ട് ടി.വി നല്‍കി. ചടങ്ങ് അധ്യാപിക പി.കെ സക്കീന നിര്‍വ്വഹിച്ചു. പി.സി സഹീര്‍, ഇ.കെ ജസ്‌ന, അബ്ദുല്‍ ജലീല്‍, കെ.സി ഷാഫി, പി.സി റാഷിദ്, ഫാസില സംസാരിച്ചു.