കരുനാഗപ്പള്ളി: കേരള സ്റ്റേറ്റ് കണ്‍സ്യൂമര്‍ കൗണ്‍സില്‍ സംസ്ഥാന കമ്മിറ്റി പ്രഖ്യാപിച്ച കണ്‍സ്യൂമര്‍ രംഗത്തെ മികച്ച പ്രവര്‍ത്തകര്‍ക്കായുള്ള അവാര്‍ഡുകള്‍ ഓഗസ്റ്റ്   ആദ്യവാരം കരുനാഗപ്പള്ളിയില്‍ നടക്കുന്ന
സമ്മേളനത്തില്‍ നല്‍കാന്‍  തീരുമാനിച്ചു. പരിപാടിയുടെ വിജയത്തിനായി സ്വാഗതസംഘം രൂപീകരിച്ചു.
സ്വാഗതസംഘ രൂപീകരണയോഗം സംസ്ഥാന പ്രസിഡന്റ് എം. മൈതീന്‍കുഞ്ഞ്  ഉദ്ഘാടനം ചെയ്തു. സീനിയര്‍ വൈസ്പ്രസിഡന്റ് നാടിയന്‍ പറമ്പില്‍ മൈതീന്‍കുഞ്ഞ് അധ്യക്ഷനായി.  നഗരസഭാ പ്രതിപക്ഷനേതാവ് എം.കെ.വിജയഭാനു, എ.എ. ഷാഫി, കമറുദ്ദീന്‍ മുസ്ലീയാര്‍, ഷീലാജഗദരന്‍, ജെ.എം. അസ്‌ലം, മുനമ്പത്ത് ഷിഹാബ്, കുന്നേല്‍ രാജേന്ദ്രന്‍, സലീം കോടിയാട്ട്, എം.എ. സമദ്, റ്റി.കെ. സദാശിവന്‍, കെ.ശശിധരന്‍ പിള്ള, വി.കെ. രാജേന്ദ്രന്‍ എന്നിവര്‍ പ്രസംഗിച്ചു.
റിട്ട. ഡി.എസ്.ഒ ഷാജഹാന്‍ പണിക്കത്ത് ചെയര്‍മാനും കുന്നേല്‍ രാജേന്ദ്രന്‍ ജന: കണ്‍വീനറും, കെ.ശശിധരന്‍പിള്ള ട്രഷററുമായി അമ്പത്തൊന്നംഗ സ്വാഗതസംഘം രൂപീകരിച്ചു.