പാലക്കാട്: ഗാന്ധി ദര്‍ശന്‍ സമിതി സംസ്ഥാന കമ്മിറ്റി ഏര്‍പ്പെടുത്തിയ 2018 ലെ ഗാന്ധി ദര്‍ശന്‍ അവാര്‍ഡ് ഉമ്മന്‍ചാണ്ടിക്ക്. 2018ലെ ഏറ്റവും മികച്ച പൊതുപ്രവര്‍ത്തകനുള്ള ഗാന്ധി ദര്‍ശന്‍ പുരസ്‌കാരമാണ് മുന്‍ മുഖ്യന്ത്രിയും എ.ഐ.സി.സി ജന. സെക്രട്ടറിയുമായ ഉമ്മന്‍ചാണ്ടിക്ക് നല്‍കുന്നത്.

മുന്‍ എം.എല്‍.എ കെ.എ ചന്ദ്രന്‍, പ്രൊഫ. പി.എ വാസുദേവന്‍, പുതുശ്ശേരി ശ്രീനിവാസന്‍ എന്നിവരടങ്ങുന്ന സമിതിയാണ് പുരസ്‌കാരം തീരുമാനിച്ചത്. ഗാന്ധിജിയുടെ രക്തസാക്ഷി ദിനത്തോടനുബന്ധിച്ച് 30ന് തിരുവനന്തപുരം ഗാന്ധി പാര്‍ക്കില്‍ നടക്കുന്ന ഗാന്ധി അനുസ്മരണ സമ്മേളനത്തില്‍ മുന്‍ മഹാരാഷ്ട്ര ഗവര്‍ണര്‍ കെ. ശങ്കരനാരായണന്‍ അവാര്‍ഡ്ദാനം നിര്‍വഹിക്കും. മുല്ലപ്പള്ളി രാമചന്ദ്രന്‍ അനുസ്മരണ സമ്മേളനം ഉദ്ഘാടനം ചെയ്യുമെന്ന് വി.സി കബീര്‍ വാര്‍ത്താസമ്മേളനത്തില്‍ അറിയിച്ചു.