വുഹാന്‍: കൊറോണ വൈറസ് പടര്‍ന്നുപിടിക്കുന്ന ചൈനീസ് നഗരങ്ങളിലെ സ്ഥിതി ഭീതിജനകം. വൈറസിന്റെ പ്രഭവകേന്ദ്രമായ വുഹാനില്‍ രോഗഭീതി കാരണം മരിച്ചുവീഴുന്നവരെപ്പോലും തിരിഞ്ഞുനോക്കാന്‍ ആളില്ലാത്ത അവസ്ഥയാണ്. കഴിഞ്ഞ ദിവസം വുഹാനില്‍ റോഡരികില്‍ കുഴഞ്ഞുവീണു മരിച്ച ആളെ ആരും തിരിഞ്ഞുനോക്കാത്ത ദൃശ്യങ്ങള്‍ സാമൂഹികമാധ്യമങ്ങളില്‍ പ്രചരിക്കുന്നുണ്ട്. 

ആളൊഴിഞ്ഞ നിരത്തിലെ നടപ്പാതയില്‍ വീണുകിടക്കുന്ന മൃതദേഹത്തിന്റെ ദൃശ്യമാണ് പ്രചരിക്കുന്നത്. 

മുഖത്ത് മാസ്‌ക്. കൈയില്‍ ക്യാരി ബാഗ് എന്നിവയുമായാണ് നിരത്തിലെ നടപ്പാതയില്‍ ഇയാള്‍ കുഴഞ്ഞുവീണിരിക്കുന്നത്. ഒടുവില്‍ പൊലിസും ആരോഗ്യപ്രവര്‍ത്തകരുമെത്തിയാണ് റോഡില്‍നിന്നു മൃതദേഹം മാറ്റിയത്. ശരീരം പൂര്‍ണമായും മൂടുന്ന സ്യൂട്ട് ധരിച്ചെത്തിയ ആരോഗ്യ പ്രവര്‍ത്തകര്‍ പ്രത്യേക കവറിലാക്കിയാണ് മൃതദേഹം സ്ഥലത്തുനിന്നു നീക്കിയത്.  

ചൈയനിലെ പ്രധാന വ്യവസാന നഗരങ്ങളിലൊന്നായ ജനത്തിരക്കേറിയ വുഹാന്‍ ഇന്നു വിജനമായിരിക്കുകയാണ്.