അമ്പലപ്പുഴ: പുറക്കാട് സ്മൃതി വന പദ്ധതി പ്രദേശത്തു നിന്നും മൂര്‍ഖന്‍ പാമ്പിനെയും കുഞ്ഞുങ്ങളെയും നാട്ടുകാര്‍ പിടികൂടി.ഏഴ് അടിയില്‍പ്പരം നീളമുള്ള മൂര്‍ഖനെയും 21 കുഞ്ഞുങ്ങളെയുമാണ് ഇന്നലെ രാവിലെ 9.30 ഓടെ നാട്ടുകാര്‍ പിടികൂടിയത്.
പതിമൂന്നാം വാര്‍ഡ് താന്നിമൂട്ടില്‍ നിസാറിന്റെ വീട്ടുവളപ്പില്‍ കൊടും വിഷമുള്ള രക്ത അണലിയെ കണ്ടതോടെയാണ് നാട്ടുകാര്‍ സംഘം ചേര്‍ന്ന് അന്വേഷണം നടത്തിയത്.
തുടര്‍ന്ന് വാഴയില്‍ പവിത്രന്റെ വീടിനു സമീപം സ്ഥാപിച്ച വലയില്‍ കുടുങ്ങിയ മലമ്പാമ്പിനെ കണ്ടെത്തി .
തുടര്‍ന്നാണ് സമീപത്തെ പദ്ധതി പ്രദേശത്തു നിന്നും മൂര്‍ഖനെയും കുഞ്ഞുങ്ങളെയും പിടികൂടിയത്.