അമേരിക്കയിലെ ഒര്‍ലാന്‍ഡോയിലെ സ്വവര്‍ഗാനുരാഗികളുടെ നിശാക്ലബ്ബില്‍ നടന്ന വെടിവയ്പ്പില്‍ 50 പേര്‍ മരിച്ചു. 29കാരനായ ഉമര്‍ സിദ്ദീഖ് മറ്റീന്‍ എന്ന യുവാവാണ് വെടിവയ്പ്പ് നടത്തിയത്. സംഭവത്തില്‍ 53 പേര്‍ക്ക് പരുക്കേല്‍ക്കുകയും ചെയ്തു. സ്വകാര്യ കമ്പനിയില്‍ സുരക്ഷാ ഉദ്യോഗസ്ഥന്റെ ജോലിയാണ് ഉമറിന്.
നിശാ ക്ലബ്ബില്‍ അതിക്രമിച്ചു കടന്ന മറ്റീന്‍ യന്ത്രത്തോക്കുകള്‍ കൊണ്ട് ക്ലബ്ബിലുള്ളവരെ വെടിവയ്ക്കുകയായിരുന്നു. ഒര്‍ലാന്‍ഡോയിലെ പള്‍സ് ഒര്‍ലാന്‍ഡോ എന്ന ക്ലബ്ബിലാണ് സംഭവം. വെടിവയ്പ്പിന്റെ ഉത്തരവാദിത്തം ഐ.എസ് ഏറ്റെടുത്തു. മറ്റീന്‍ പൊലിസുമായുള്ള ഏറ്റുമുട്ടലില്‍ കൊല്ലപ്പെട്ടു.