റിയാദ്: യു.എ.ഇയില്‍ സൈനിക ഹെലികോപ്റ്റര്‍ തകര്‍ന്ന് രണ്ട് പേര്‍ കൊല്ലപ്പെട്ടു. സൈനീക ഹെലികോപ്റ്റര്‍ തകര്‍ന്ന് രണ്ട് പേര്‍ മരിച്ചതായി യു.എ.ഇ സായുധ സേനയിലെ ജനറല്‍ കാമന്ററാണ് വ്യക്തമാക്കിയത്. കടലിന് മുകളിലൂടെയുള്ള പതിവ് പരിശീലന പറക്കല്‍ നടത്തുന്നതിനിടയിലായിരുന്നു അപകടം. ഹെലികോപ്റ്റര്‍ നിയന്ത്രിച്ചിരുന്ന പൈലറ്റും സഹപൈലറ്റുമാണ് മരിച്ചത്.
രക്തസാക്ഷികളുടെ മരണത്തില്‍ ജനറല്‍ കമാന്റ് അഗാധ ദു:ഖം രേഖപ്പെടുത്തി. അതേസമയം പ്രസ്താവനയില്‍ കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല. മരിച്ചവര്‍ ആരൊക്കെയാണെന്നോ ഏത് തരം ഹെലികോപ്റ്ററാണ് അപകടത്തില്‍ പെട്ടതെന്നോ വ്യക്തമല്ല.