വെള്ളമുണ്ട: വെള്ളമുണ്ട ചാന്‍സിലേഴ്‌സ് ക്ലബും വെള്ളമുണ്ട സിറ്റി പ്രവാസി കുട്ടായ്മയും സംയുക്തമായി സംഘടിപ്പിക്കുന്ന അഖിലേന്ത്യ ഫൈവ്‌സ് ഫുട്‌ബോള്‍ ടൂര്‍ണമെന്റിന് തുടക്കമായി.
വെള്ളമുണ്ട ഹൈസ്‌കൂള്‍ മൈതാനത്ത് പ്രത്യേകം സജ്ജീകരിച്ച ഫ്‌ളഡ് ലൈറ്റ് സ്റ്റേഡിയത്തിലാണ് മത്സരങ്ങള്‍. ഒരു ലക്ഷം രൂപയാണ് വിജയികള്‍ക്കുള്ള പ്രൈസ്മണി. സെമി ഫൈനലിലെത്തുന്ന ടീമുകള്‍ക്കും പ്രൈസ്മണി നല്‍കും. കേരളത്തിനകത്ത് നിന്നും പുറത്ത് നിന്നുമായി 32 ടീമുകളാണ് ടൂര്‍ണമെന്റില്‍ മാറ്റുരക്കുന്നത്.