നാഗ്പൂര്‍: രഞ്ജി ട്രോഫിയില്‍ കേരളത്തിനെതിരേ വിദര്‍ഭയ്ക്ക് ഭേദപ്പെട്ട തുടക്കം. ഒന്നാം ഇന്നിങ്‌സിന്റെ ആദ്യദിനം അവസാനിക്കുമ്പോള്‍ ആറ് വിക്കറ്റിന് 239 റണ്‍സെന്ന നിലയിലാണ് വിദര്‍ഭ.
ടോസ് നേടിയ കേരളം വിദര്‍ഭയെ ബാറ്റിങ്ങിനയക്കുകയായിരുന്നു. മുന്‍ ഇന്ത്യന്‍ താരം വസീം ജാഫറിന്റെയും (57) ഗണേഷ് സതീഷന്റെയും (58) അര്‍ധ സെഞ്ചുറികളാണ് ടീമിന് ഭേദപ്പെട്ട സ്‌കോര്‍ സമ്മാനിച്ചത്.
സിദ്ദേഷ് വാത്തയും (43) മികച്ച സംഭാവന നല്‍കി. കേരളത്തിനായി എം.ഡി നിധീഷ് മൂന്നും എന്‍.പി ബാസില്‍ രണ്ടും വിനൂപ് മനോഹരന്‍ ഒരു വിക്കറ്റും വീഴ്ത്തി.