തിരുവനന്തപുരം: സമസ്ത കേരളാ ജംഇയ്യത്തുല്‍ മുഅല്ലിമീന്‍ മദ്രസാ വിദ്യാര്‍ഥികള്‍ക്കായി നടത്തിയ ജില്ലാ കലാമേളയില്‍ കണിയാപുരം റെയ്ഞ്ച് ജേതാക്കളായി. തിരുവനന്തപുരം ആലംകോട് റെയ്ഞ്ചുകള്‍ രണ്ടും മൂന്നും സ്ഥാനങ്ങള്‍ നേടി. കണിയാപുരം പള്ളിനട നിബ്‌റാസുല്‍ ഇസ്‌ലാം മദ്രസാ അങ്കണത്തില്‍ മര്‍ഹൂം അബ്ദുല്‍കബീര്‍ ദാരിമി ഉസ്താദ് നഗരിയില്‍ വിഴിഞ്ഞം ഹുസൈന്‍ മുസ്‌ലിയാര്‍ ഫെസ്റ്റ് ഉദ്ഘാടനം ചെയ്തു.  ആലംകോട് അര്‍ഷുദ്ദീന്‍ മുസ്‌ലിയാര്‍ പതാക ഉയര്‍ത്തി. സബ് ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍ വിഭാഗങ്ങളില്‍ മത്സരങ്ങള്‍ നടത്തി.സമാപനസമ്മേളനം ജില്ലാ പ്രസിഡന്റ് അ്ഷറഫ് ബാഖവി ഉദ്ഘാടനം ചെയ്തു. ഷറഫുദ്ദീന്‍ ബാഖവി അല്‍ജാമിഅ അധ്യക്ഷത വഹിച്ചു.
സമസ്ത മുഫത്തിശ് ചുള്ളിമാനൂര്‍ അഹ്മദ് റഷാദി സമ്മാന വിതരണം ഉദ്ഘാടനം ചെയ്തു. പഞ്ചായത്ത് പ്രസിഡന്റ് അബ്ദുല്‍വാഹിദ് ട്രോഫി വിതരണം ചെയ്തു. ജില്ലയിലെ മികച്ച മദ്രസാ അധ്യാപകരെ സമസ്താ ഓര്‍ഗനൈസര്‍ കോട്ടയം ഷരീആഫ് ദാരിമി ആദരിച്ചു. പൊതുപരീക്ഷാ റാങ്ക് ജേതാക്കള്‍ക്ക് മുഫത്തിഷ് മുഹമ്മദ് യഹിയാ നിസാമി ക്യാഷ് അവാര്‍ഡ് നല്‍കി. നസീര്‍ഖാന്‍ ഫൈസി (ജംഇയ്യത്തുല്‍ ഉലമ), ആലംകോട് ഹസന്‍ (എസ്.വൈ.എസ്), ഷാനവാസ് കണിയാപുരം (എസ്.കെ.എസ്.എസ്.എഫ്), നൗഫല്‍ കുമിളി (എസ്.കെ.എം.എം.എ), അഡ്വ. കെ.എസ്.എ ഹലീം, ഷറഫുദ്ദീന്‍ ബആഖവി, കുമിളി, പീരുമുഹമ്മദ് മുസ്‌ല്യാര്‍ ബീമാപ്പള്ളി, അന്‍വറുദ്ദീന്‍ അന്‍വരി, നൗഷാദ് അന്‍വരി, സ്വാദിഖ് കോവളം, നസീര്‍ മരുതിക്കുന്ന്, പനവൂര്‍ ഷാജഹാന്‍ ദാരിമി, ഷഹീര്‍ജി അഹമ്മദ്, അബ്ദുല്‍വാഹിദ് കാട്ടുമുറാക്കല്‍, അബ്ദുല്‍ജബ്ബാര്‍ സാര്‍, ഹാഫിളുറഹ്മാന്‍ തുടങ്ങിയവര്‍ ആശംസകള്‍ അര്‍പ്പിച്ചു. ഫെസ്റ്റ് കണ്‍വീനര്‍ വെള്ളൂര്‍ ഹസന്‍ അമാനി സ്വാഗതവും പള്ളിനട ജസീം ഫൈസി നന്ദിയും പറഞ്ഞു. വിജയികള്‍ക്കു സുപ്രഭാതം സമ്മാനം നല്‍കി.