മലപ്പുറം: സംസ്ഥാനത്ത് നിപ ബാധിച്ച് മരിച്ച യുവാവിന്റെ മാതാവും, ബന്ധുക്കളും, ചികിത്സിച്ച ഡോക്ടറും ഉള്‍പ്പെടെ നിരീക്ഷണത്തിലുണ്ടായിരുന്ന പത്ത് പേരുടെ പരിശോധന ഫലങ്ങള്‍ നെഗറ്റീവായി. ഇതോടെ സമ്പര്‍ക്കപ്പട്ടികയിലുള്ളവരുടെ എണ്ണം 266 ആയി കുറഞ്ഞു. ഇതുവരെ ആകെ 26 ഫലങ്ങളാണ് നെഗറ്റീവായത്. 

ആകെ നിരീക്ഷണത്തിലുള്ളവരില്‍ 176 പേര്‍ പ്രാഥമിക സമ്പര്‍ക്ക പട്ടികയിലും, 90 പേര്‍ സെക്കണ്ടറി സമ്പര്‍ക്കപ്പട്ടികയിലും ഉള്‍പ്പെട്ടവരാണ്. ഇതില്‍ 81 ആരോഗ്യപ്രവര്‍ത്തകരും ഉള്‍പ്പെടും. 11 പേരെയാണ് ഇന്ന് പുതുതായി സമ്പര്‍ക്കപ്പട്ടികയില്‍ ഉള്‍പ്പെട്ടത്. ആരോഗ്യ വകുപ്പ് നടത്തിയ സര്‍വേയില്‍ ഇതുവരെ 175 പനികേസുകള്‍ റിപ്പോര്‍ട്ട് ചെയ്തിട്ടുണ്ട്.

ten more people tested negative in nipah cases kerala including the mother and relatives of deceased