ബെയ്‌റൂത്ത്: ലെബനാനില്‍ വീണ്ടും സ്‌ഫോടനം. പേജറുകളുടെ സ്‌ഫോടനത്തിന് പിന്നാലെ വാക്കി-ടോക്കികളും പൊട്ടിത്തെറിച്ചു. സ്‌ഫോടനത്തില്‍ മൂന്നുപേര്‍ കൊല്ലപ്പെട്ടതായാണ് റിപ്പോര്‍ട്ട്. നിരവധി പേര്‍ക്ക് പരിക്കേറ്റിട്ടുണ്ട്. ലെബനാന്‍ തലസ്ഥാനമായ ബെയ്‌റൂത്ത്, ബെക്കാ വാലി, ദക്ഷിണ ലബനാന്‍ എന്നിങ്ങനെ മൂന്നിടത്ത് സ്‌ഫോടനമുണ്ടായതായി ലെബനീസ് മാധ്യമങ്ങള്‍ റിപ്പോര്‍ട്ട് ചെയ്തു. 

അതേസമയം എത്ര വാക്കിടോക്കികള്‍ പൊട്ടിത്തെറിച്ചെന്ന് വ്യക്തമല്ല. ഹിസ്ബുല്ല നേതാക്കളുടെ സംസ്‌കാരച്ചടങ്ങിനിടെയായിരുന്നു സ്‌ഫോടനമെന്നാണ് റിപ്പോര്‍ട്ട്. അഞ്ചുമാസം മുന്‍പ് പേജറുകള്‍ വാങ്ങിയ സമയത്ത് തന്നെയാണ് റേഡിയോകളും ഹിസ്ബുല്ല വാങ്ങിയതെന്ന് റോയിട്ടേഴ്‌സ് റിപ്പോര്‍ട്ട് ചെയ്തു.

അതേസമയം പേജര്‍ സ്‌ഫോടനത്തില്‍ ഇതുവരെ കൊല്ലപ്പെട്ടവരുടെ എണ്ണം 12 ആയി. മൂവായിരത്തോളം പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. പേജര്‍ സ്‌ഫോടനത്തിന് പിന്നില്‍ ഇസ്രാഈല്‍ ആണെന്ന് അന്താരാഷ്ട്ര മാധ്യമമായ ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു. മൊസാദും, ഇസ്രാഈല്‍ സൈന്യവും സംയുക്തമായി നടത്തിയ ഓപ്പറേഷന്റെ ഫലമാണ് സ്‌ഫോടനമെന്ന് സി.എന്‍.എന്‍ റിപ്പോര്‍ട്ട് ചെയ്തു. 

another explosion in lebanon hisbullah walkie talkie exploded toda