ചെന്നൈ: മതേതരത്തവും തൊഴിലവകാശവും സംരക്ഷിക്കുകയെന്ന മുദ്രാവാക്യം ഉയര്‍ത്തി ഏപ്രില്‍ 5 ന് പാര്‍ലമെന്റിലേക്ക് മാര്‍ച്ച് നടത്തുമെന്ന് എസ്.ടി.യു ദേശീയ പ്രസിഡന്റ് സയ്യിദ് അംജദലിയും ജനറല്‍ സെക്രട്ടറി അഡ്വ: എം റഹ്്മത്തുള്ളയും അറിയിച്ചു.
മോദി സര്‍ക്കാര്‍ അധികാരത്തില്‍ വന്ന ശേഷം രാജ്യത്തിന്റെ തൊഴില്‍ മേഖല പൂര്‍ണ തകര്‍ച്ചയെ നേരിടുകയാണെന്നും തൊഴില്‍ നിയമ ഭേദഗതികള്‍ മൂലം തൊഴിലാളികള്‍ക്ക് ലഭ്യമായിരുന്ന ആനുകൂല്യങ്ങളും അവകാശങ്ങളും നിഷേധിക്കപ്പെട്ടിരിക്കുകയാണെന്നും അവര്‍ ചൂണ്ടി കാട്ടി.
ദേശവ്യാപകമായി തൊഴിലാളികളുടെ മിനിമം വേതനം 18,000 രൂപയാക്കി ഉയര്‍ത്തുക, കരാര്‍തൊഴിലാളികള്‍ക്ക് സ്ഥിരം തൊഴിലാളികളുടെ ആനുകൂല്യം നല്‍കുക, തൊഴിലുറപ്പ് പദ്ധതി സംരക്ഷിക്കുക തുടങ്ങിയ ആവശ്യങ്ങളാണ് സമരത്തിന്റെ ഭാഗമായി ഉന്നയിക്കുന്നത്.