ലണ്ട@ന്‍: എഫ്.എ കപ്പില്‍ ലിവര്‍പൂളിന്റെ കുട്ടിപ്പടക്ക് ജയം. ഷ്രൂസ്ബറി ടൗണിനെതിരേ ലിവര്‍പൂളിന്റെ ഒറ്റ സീനിയര്‍ താരം പോലും ഇല്ലാതെയായിരുന്നു ടീം ഇറങ്ങിയത്. എതിരില്ലാത്ത ഒരു ഗോളിനാണ് ലിവര്‍പൂള്‍ ഷ്രൂസ്ബറിയെ തോല്‍പ്പിച്ചത്.
റിസര്‍വ് ടീമിന് അവസരം നല്‍കിയ പരിശീലകന്‍ യര്‍ഗന്‍ ക്ലോപ്പിന്റെ പ്രതീക്ഷ തെറ്റിക്കാതെയായിരുന്നു ടീം കളിച്ചത്. വില്യംസിന്റെ(75) സെല്‍ഫ് ഗോളിലായിരുന്നു ലിവര്‍പൂളിന്റെ വിജയം. മികച്ച മുന്നേറ്റങ്ങള്‍ നടത്തിയെങ്കിലും ലിവര്‍പൂളിന് കൂടുതല്‍ ഗോളുകള്‍ നേടാനാല്ല.
മറ്റു മത്സരഫലങ്ങള്‍, ഡര്‍ബി കൗണ്ട@ി 4-2ന് നോര്‍ത്താംപ്ടണ്‍ ടൗണിനേയും ന്യൂകാസില്‍ യുനൈറ്റഡ് 3-2ന് ഓക്‌സ്‌ഫോര്‍ഡ് യുനൈറ്റഡിനേയും തോല്‍പ്പിച്ചു. കാര്‍ഡിഫ് സിറ്റിയും ബര്‍മിങ്ഹാം സിറ്റിയും അടുത്ത റൗണ്ടണ്ടില്‍ കടന്നു. 2-2 എന്ന നിലയില്‍ കവെന്ററി സിറ്റിയുമായി സമനില നേടിയതിനെ തുടര്‍ന്ന് പെനാല്‍റ്റി ഷൂട്ടൗട്ടില്‍ 4-1നാണ് ബര്‍മിങ് ഹാമിന്റെ വിജയം. റീഡിങ്ങുമായി 3-3 എന്നസമനിലയില്‍ പിരിഞ്ഞ കാര്‍ഡിഫും 4-1ന് പെനാല്‍റ്റിയില്‍ ജയിച്ചു. അഞ്ചാം റൗ@ണ്ടില്‍ ചെല്‍സിയാണ് ലിവര്‍പൂളിന്റെ എതിരാളി. മാര്‍ച്ച് 6ന് അഞ്ചാം റൗ@ണ്ട് മത്സരങ്ങള്‍ തുടങ്ങുക.