തിരുവനന്തപുരം: സാമ്പത്തിക വര്‍ഷം അവസാനിക്കാന്‍ ദിവസങ്ങള്‍ ബാക്കി നില്‍ക്കെ വികസന ഫണ്ടില്‍ നിന്ന് ഒരു രൂപ പോലും ചെലവഴിക്കാത്ത എം.എല്‍.എമാരുണ്ടെന്ന് റിപ്പോര്‍ട്ട്. പാലക്കാട് ജില്ലയില്‍ നിന്ന് മാത്രം ഫണ്ട് ചെലവഴിക്കാത്ത ഒമ്പത് എം.എല്‍.എമാരുള്ളതായാണ് റിപ്പോര്‍ട്ട്.
മന്ത്രി എ.കെ ബാലനും ഭരണപരിഷ്‌കാര കമ്മീഷന്‍ ചെയര്‍മാന്‍ വിഎസും ഒരു രൂപ പോലും ചെലവഴിക്കാത്തവരില്‍ പെടുന്നു. പട്ടാമ്പി എം.എല്‍.എ മുഹ്‌സിന്‍ ഒരു പദ്ധതിക്ക് പോലും ഭരണാനുമതി വാങ്ങിയിട്ടില്ലെന്നും രേഖകളിലുണ്ട്. പാലക്കാട് നിന്നുള്ള കെ.ഡി പ്രസേനന്‍ എം.എല്‍.എ ഫണ്ടിന്റെ 89 ശതമാനത്തോളം ചെലവഴിച്ചിട്ടുണ്ട്. ഷംസുദ്ധീന്‍ മണ്ണാര്‍ക്കാട് 19.95 ശതമാനം, ഷാഫി പറമ്പില്‍ 12.42 ശതമാനം എന്നിങ്ങനെ ചെലവഴിച്ചിട്ടുണ്ട്.