ശ്രീനഗര്‍ :ജമ്മു കശ്മിരില്‍ പ്രതിഷേധക്കാര്‍ക്കെതിരേ പരിഷ്‌കരിച്ച പെല്ലറ്റ് തോക്കുകള്‍ ഉപയോഗിക്കാന്‍ തീരുമാനിച്ചതായി സി .ആര്‍. പി.എഫ് ഡയരക്ടര്‍ ജനറല്‍ കെ. ദുര്‍ഗ പ്രസാദ്.

പെല്ലറ്റ് തോക്കുകളുടെ ഉപയോഗംമൂലം നിരവധി പേര്‍ക്ക് ഗുരുതരമായി പരുക്കേറ്റിരുന്നു. ഇതിന്റെ പശ്ചാത്തലത്തിലാണ് പരിഷ്‌കരിച്ച പെല്ലറ്റ് തോക്കുകള്‍ ഉപയോഗിക്കാന്‍ തീരുമാനിച്ചത്.
ഇത്തരം തോക്കുകളില്‍ നിന്നുള്ള പെല്ലറ്റുകളെ ശരീരത്തിലെ പേശികള്‍ക്ക് പ്രതിരോധിക്കാന്‍ കഴിയും. മാത്രമല്ല ഇതുമൂലമുള്ള അപകടങ്ങളും വളരെ കുറവായിരിക്കുമെന്നും അദ്ദേഹം പറഞ്ഞു.