വെള്ളിയാമറ്റം: ഉപേക്ഷിക്കപ്പെട്ട പാറമടയില്‍ നിക്ഷേപിച്ച ചകിരിമാലിന്യത്തിന് തീപിടിച്ചു. മണിക്കൂറുകള്‍ നീണ്ട പരിശ്രമത്തിനൊടുവില്‍ ഫയര്‍ഫോഴ്‌സ് തീ നിയന്ത്രണ വിധേയമാക്കി. ഇന്നലെ വൈകിയും തീ പൂര്‍ണമായും അണക്കാനായിട്ടില്ല. ഇന്നലെ പുലര്‍ച്ചെ ഒന്നോടെ വെള്ളിയാമറ്റം പൂച്ചവളവിനു സമീപമാണ് സംഭവം. 50 സെന്റോളം വിസ്തൃതിയുള്ള പാറമടയില്‍ 20 അടിയിലധികം ഉയരത്തില്‍ റോഡ് നിരപ്പിനൊപ്പമാണ് കിടക്ക നിര്‍മാണ ഫാക്ടറിയുടെ ചകിരിമാലിന്യം നിക്ഷേപിച്ചിരുന്നത്. മൂലമറ്റത്തുനിന്നും തൊടുപുഴയില്‍നിന്നുമെത്തിയ മൂന്നു യൂനിറ്റ് ഫയര്‍ഫോഴ്‌സ് എട്ട ് ടാങ്ക് വെള്ളം ഉപയോഗിച്ച് പുലര്‍ച്ചെ അഞ്ചരയോടെ തീ നിയന്ത്രണ വിധേയമാക്കി. കുന്നുകൂടിയ ചകിരി മാലിന്യം ഇടക്കിടെ വീണ്ടും കത്തിക്കൊണ്ടിരിക്കുകയാണ്.