ലണ്ടന്‍: മാഞ്ചസ്റ്റര്‍ യുനൈറ്റഡിന്റെ ഫ്രഞ്ച് താരം പോള്‍ പോഗ്ബയ്‌ക്കെതിരേ ആരാധകരുടെ ആക്രമണം. ലണ്ടനിലെ ഇന്ത്യന്‍ കറി ഹൗസില്‍ വച്ചാണ് സംഭവം നടന്നത്. സുഹൃത്തുക്കള്‍ക്കൊപ്പം ഭക്ഷണം കഴിച്ചു കൊണ്ടിരിക്കെ ഓട്ടോഗ്രാഫിനായി ഒരു സംഘം പോഗ്ബയെ സമീപിക്കുകയും എന്നാല്‍ താരം അത് നിഷേധിക്കുകയും ചെയ്തു. തുടര്‍ന്ന് ആരാധകര്‍ പോഗ്ബയെ കൈയേറ്റം ചെയ്യുകയായിരുന്നു. പോഗ്ബ തങ്ങളെ അപമാനിച്ചുവെന്നാണ് ഇവരുടെ ആരോപണം.
അതേസമയം സംഭവത്തെ തുടര്‍ന്ന് ഹോട്ടലധികൃതര്‍ പൊലിസിനെ വിവരമറിയിച്ചു. എന്നാല്‍ ആക്രമണുണ്ടായതായി പൊലിസ് റിപ്പോര്‍ട്ട് ചെയ്തിട്ടില്ല. ചെറിയ രീതിയിലുള്ള വാഗ്വാദങ്ങള്‍ മാത്രമാണ് ഉണ്ടായതെന്നാണ് പൊലിസ് ഭാഷ്യം.