കൊല്‍ക്കത്ത: മാലിദ്വീപ് ടീമായ വലന്‍സിയയെ ഒന്നിനെതിരേ നാലു ഗോളുകള്‍ക്ക് തകര്‍ത്ത് മോഹന്‍ ബഗാന്‍ എ.എഫ്.സി കപ്പിന്റെ ഗ്രൂപ്പ് ഘട്ടത്തിലേക്ക് യോഗ്യത നേടി. സൗത്ത് സോണ്‍ പ്ലേ ഓഫ് മത്സരത്തിലാണ് ബഗാന്‍ ജയം സ്വന്തമാക്കിയത്.
ബഗാന് വേണ്ടി ജെജെ ലാല്‍പെഖുലെ ഇരട്ട ഗോളുകള്‍ നേടി. സോണി നോര്‍ദെ ഒരു ഗോള്‍ നേടിയപ്പോള്‍ ശേഷിച്ചത് ഹുസൈന്‍ നിഹാന്റെ സെല്‍ഫ് ഗോളാണ്. വലന്‍സിയക്കായി ഒമുഡു ആശ്വാസ ഗോള്‍ നേടി. ഇരുപാദങ്ങളിലുമായി 5-2 എന്ന സ്‌കോറിനാണ് ബഗാന്‍ യോഗ്യത നേടിയത്.