കോയമ്പത്തൂര്‍: കവര്‍ച്ചയ്‌ക്കെത്തിയ കള്ളന്‍ എ.ടി.എം കൗണ്ടറില്‍ കുടുങ്ങിയതിനെ തുടര്‍ന്ന് പൊലിസ് പിടിയിലായി. രങ്കസ്വാമി(39) ആണ് പിടിയിലായത്.
കോയമ്പത്തൂര്‍ നഗരത്തിലെ തുടിയല്ലൂര്‍ സ്റ്റേഷന്‍ പരിധിയില്‍പ്പെട്ട അങ്കന്നൂരിലാണ് സംഭവം. എ.ടി.എം കൗണ്ടര്‍ തകര്‍ക്കാനുള്ള ശ്രമത്തിനിടെ വാതില്‍ അടയുകയായിരുന്നു. മദ്യലഹരിയിലായതിനാല്‍ എ.ടി.എം കൗണ്ടറിനുള്ളില്‍ കിടന്ന കള്ളന്‍ നേരം പുലര്‍ന്നിട്ടും ഉണര്‍ന്നില്ല. അതിരാവിലെ പണമെടുക്കാനെത്തിയ പരിസരവാസിയാണു വിവരം പൊലിസില്‍ അറിയിച്ചത്. പിടിയിലായയാളെ പൊലിസ് ചോദ്യംചെയ്തുവരികയാണ്.