ശ്രീനഗര്‍: എട്ടു മാസക്കാലം അടഞ്ഞുകിടന്ന കശ്മിരിലെ സ്‌കൂളുകള്‍ വീണ്ടും തുറന്നു. ഹിസ്ബുള്‍ നേതാവ് ബുര്‍ഹാന്‍ വാനി കൊല്ലപ്പെട്ടതിന് ശേഷം കശ്മിര്‍ താഴ്‌വര ആശാന്തമായ സാഹചര്യത്തിലാണ് സ്‌കൂളുകള്‍ അടച്ചത്.

ഇപ്പോള്‍ സ്ഥിതിഗതികള്‍ ശാന്തമായതോടെയാണ് സ്‌കൂളുകള്‍ തുറക്കാന്‍ തീരുമാനമായത്. എന്നാല്‍ കനത്ത മഞ്ഞുവീഴ്ച്ചയെ തുടര്‍ന്ന് ഗുരെസ് അടക്കമുള്ള മേഖലകളില്‍ മാര്‍ച്ച് 12 ഓടെയാവും സ്‌കൂളുകള്‍ തുറക്കുക. കനത്ത സുരക്ഷയിലാണ് സ്‌കൂളുകള്‍ പ്രവര്‍ത്തിക്കുക.

ബുര്‍ഹാന്‍ വാനി കൊല്ലപ്പെട്ടതിനോടനുബന്ധിച്ചുണ്ടായ പ്രതിഷേധത്തില്‍ നിരവധി പേര്‍ കൊല്ലപ്പെടുകയും ആയിരക്കണക്കിനാളുകള്‍ക്ക് പരുക്കേല്‍ക്കുകയും ചെയ്തിരുന്നു.