കൊല്ലം: കഞ്ചാവ് കൈമാറ്റം ചെയ്യുന്നതിനിടെ ഒന്നേകാല്‍ കിലോ കഞ്ചാവുമായി രണ്ടു യുവാക്കള്‍ പിടിയിലായി. പനയം ചാറുകാട് സുധീഷ് ഭവനത്തില്‍ അരുണ്‍ എന്നു വിളിക്കുന്ന സതീഷ് (21), ചന്ദനത്തോപ്പ് ചാത്തിനാംകുളം വയലില്‍ പുത്തന്‍വീട്ടില്‍ അഖില്‍രാജ് (21) എന്നിവരെയാണ് കൊല്ലം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം. നൗഷാദിന്റെ നേതൃത്വത്തിലുള്ള സംഘം റെയില്‍വേ സ്റ്റേഷന്‍ പരിസരത്തു നിന്നും പിടികൂടിയത്.
തമിഴ്‌നാട്, ആന്ധ്രാപ്രദേശ് എന്നിവിടങ്ങളില്‍ നിന്ന് വാങ്ങി ജില്ലയിലെ വിവിധയിടങ്ങില്‍ വില്‍പന നടത്തുന്ന സംഘമാണ് പിടിയിലായത്. ഇവരുടെ പക്കലുണ്ടായിരുന്ന ബൈക്കും എക്‌സൈസ് കസ്റ്റഡിയിലെടുത്തു. പ്രിവന്റീവ് ഓഫിസര്‍ ആര്‍.ജി വിനോദ്, സിവില്‍ എക്‌സൈസ് ഓഫിസര്‍മാരായ എ. സലീം, ഡി. ശ്രീജയന്‍, ഡ്രൈവര്‍ ജയകുമാര്‍ എന്നിവര്‍ റെയില്‍ പങ്കെടുത്തു.