തൊടുപുഴ: 10,11,12 തിയതികളില്‍ പെരിന്തല്‍മണ്ണ എം.ഇ.എ എന്‍ജിനിയറിങ് കോളജില്‍ സംഘടിപ്പിക്കുന്ന 'നാഷണല്‍ കാംപസ് കാളിന്റെ പ്രചരണാര്‍ഥം നടക്കുന്ന 'ക്യാംപസ് മസീറ' ഇടുക്കി ജില്ലാതല ഉദ്ഘാടനം പൈനാവ് ഗവ. എന്‍ജിനിയറിങ് കോളജില്‍ നടന്നു.
കാംപസ് പര്യടനത്തിന് ഷബിന്‍ മുഹമ്മദ്, സ്വാലിഹ് പി.എം, ഷമ്മാസ് കെ.വി നേതൃത്വം നല്‍കി. ദേശീയ വിദ്യാര്‍ഥി സംഗമത്തിന്റെ ഉപഹാരമായി കാംപസ് ഗാര്‍ഡനില്‍ മരം നടുന്ന ചടങ്ങ് സംസ്ഥാന ട്രഷറര്‍ റിയാസ് വെളിമുക്ക് ഉദ്ഘാടനം ചെയ്തു.
 ഇന്ത്യയിലെ വിവിധ കേന്ദ്ര - പ്രാദേശിക യൂണിവേഴ്‌സിറ്റികളിലും, ടെക്‌നിക്കല്‍ - മെഡിക്കല്‍ യൂണിവേഴ്‌സിറ്റികളിലും പഠിക്കുന്ന യു.ജി, പി.ജി, പി.എച്ച്.ഡി വിദ്യാര്‍ഥികളാണു കാംപസ് കാളില്‍ പങ്കെടുക്കുക.
പ്രമുഖര്‍ പങ്കെടുക്കുന്ന ആത്മീയ അക്കാദമിക് സെഷനുകളാല്‍ സമയബന്ധിതമായി ക്രോഡീകരിക്കുന്ന രണ്ടു ദിവസത്തെ സംഗമത്തിനു ശേഷം ഒരു ദിവസം പൂര്‍ണമായും കൗണ്‍സിലിനു വേണ്ടി മാറ്റി വെക്കും.
നാഷണല്‍ കാംപസ് കാളിന്റെ രജിസ്‌ട്രേഷനു വേണ്ടി  കാംപസ് വിങ് ഒഫീഷ്യല്‍ വെബ്‌സൈറ്റ് സന്ദര്‍ശിക്കുക.