മെല്‍ബണ്‍: ആസ്‌ത്രേലിയന്‍ ഓപ്പണ്‍ ടെന്നീസ് ടൂര്‍ണമെന്റില്‍ അമേരിക്കന്‍ താരം സെറീന വില്യംസിനും ജപ്പാന്‍ താരം നവോമി ഒസാക്കക്കും ജയം. തായ്‌വാന്‍ താരം ഹി ഷി സുവിയെ തകര്‍ത്താണ് ജപ്പാന്‍ താരം രണ്ടാം റൗണ്ടില്‍ പ്രവേശിച്ചത്. 5-7, 6-4, 6-1 എന്ന സ്‌കോറിനായിരുന്നു ഒസാകയുടെ ജയം. സ്വീഡിഷ് താരമായ യെസ്ട്രീംസ്‌കയെയാണ് സെറീന വില്യംസ് പരാജയപ്പെടുത്തിയത്. 6-2, 6-1 എന്ന സ്‌കോറിനായിരുന്നു സെറീനയുടെ വിജയം. അതേസമയം, മറ്റൊരു അമേരിക്കന്‍ താരമായ വീനസ് വില്യംസ് തോറ്റ് പുറത്തായി. റൊമാനിയന്‍ താരം സിമോണാ ഹാലെപിനോടാണ് വീനസ് വില്യംസ് പരാജയപ്പെട്ടത്. 6-2, 6-3 എന്ന സ്‌കോറിനായിരുന്നു വീനസിന്റെ തോല്‍വി. പുരുഷ സിംഗിള്‍സില്‍ ഇന്ന് നടക്കുന്ന പ്രീക്വാര്‍ട്ടറില്‍ റോജര്‍ ഫെഡറര്‍ സിസിപാസിനെ നേരിടും. സ്പാനിഷ് താരം റാഫേല്‍ നദാല്‍ ചെക്ക് റിപ്പബ്ലിക് താരം ബെര്‍ഡിച്ചിനെ നേരിടും. മറ്റൊരു മത്സരത്തില്‍ ദിമിത്രോവും തായ്‌ഫോയും തമ്മില്‍ കൊമ്പുകോര്‍ക്കും.