പാലക്കാട്: കേന്ദ്ര തൊഴില്‍ ഉദ്യോഗ മന്ത്രാലയത്തിന്റെ കീഴില്‍ തിരുവനന്തപുരത്ത് തൈക്കാട് പ്രവര്‍ത്തിക്കുന്ന കോച്ചിംഗ്-കം-ഗൈഡന്‍സ് സെന്റര്‍ ഫോര്‍ എസ്.സി, എസ്.റ്റി, പട്ടികജാതി-പട്ടികവര്‍ഗ്ഗ യുവതീ യുവാക്കള്‍ക്കായി ഒരു വര്‍ഷത്തെ 'ഒ' ലെവല്‍ കംപ്യൂട്ടര്‍ സൗജന്യകോഴ്‌സ് നടത്തുന്നു. 12-ാം ക്ലാസ്സോ അതിനു മുകളിലോ വിദ്യാഭ്യാസ യോഗ്യതയുളള വാര്‍ഷിക വരുമാനം മൂന്ന് ലക്ഷത്തില്‍ കവിയാത്തവര്‍ക്ക് അപേക്ഷിക്കാം. പ്രായം 30 കവിയരുത്. പ്രതിമാസം 500 രൂപ സ്റ്റൈപന്റും ലഭിക്കും. പാലക്കാട് കെ.എസ്.ആര്‍.ടി.സി ബസ് സ്റ്റാന്റിന് സമീപത്തുള്ള കെല്‍ട്രോണ്‍ എഡ്യൂക്കേഷന്‍ സെന്ററില്‍ ആണ് കോഴ്‌സ് നടത്തുന്നത്. താല്‍പര്യമുള്ളവര്‍ ജൂണ്‍ 16 നോ അതിനു മുന്‍പോ എസ്.എസ്.എല്‍.സി, പ്ലസ് ടു, റേഷന്‍ കാര്‍ഡ്, വരുമാന സര്‍ട്ടിഫിക്കറ്റ്, ആധാര്‍ കാര്‍ഡ്, ബാങ്ക് അക്കൗണ്ട് വിവരങ്ങള്‍, എന്നീ രേഖകളുടെ പകര്‍പ്പും രണ്ട് പാസ് പോര്‍ട്ട് സൈസ് ഫോട്ടോയും സഹിതം ഓഫിസില്‍ എത്തണം. വിശദ വിവരങ്ങള്‍ക്ക്. ഫോണ്‍ : 0471 2332113, 9847597587.

പാലക്കാട്: ജൂനിയര്‍ റെഡ്‌ക്രോസ്സ് കൗണ്‍സിലേഴ്‌സ് യോഗം ജൂലൈ എട്ടിന് രാവിലെ ഒന്‍പതു മണിക്ക് ജില്ലാ പഞ്ചായത്ത് ഹാളില്‍ ചേരും. പുതിയതായി ജെ.ആര്‍.സി തുടങ്ങാന്‍ താല്‍പര്യമുള്ള യു.പി ഹൈസ്‌ക്കൂള്‍ വിദ്യാലയങ്ങളിലെ അധ്യാപകര്‍ക്ക് പങ്കെടുക്കാം. നിലവിലുള്ള ജെ.ആര്‍.സി കൗണ്‍സിലേഴ്‌സും പങ്കെടുക്കണമെന്ന് ജില്ലാ സെക്രട്ടറി എം വിനോദ്കുമാര്‍ അറിയിച്ചു. വിശദ വിവരങ്ങള്‍ക്ക് .ഫോണ്‍ : 9947750773.