ന്യൂഡല്‍ഹി: സഹോദരിയുടെ രാഷ്ട്രീയ ജീവിതത്തിലെ ഏറ്റവും പ്രധാനപ്പെട്ട നിമിഷം സ്വന്തം ഫോണില്‍ ഒപ്പിയെടുക്കുന്ന സഹോദരന്‍. ഇന്ന് സോഷ്യല്‍ മീഡിയ ഏറ്റെടുത്ത ദൃശ്യങ്ങളില്‍ ഒന്നാണിത്. രാഹുല്‍ ഗാന്ധിയാണ് ആ സഹോദരന്‍. ഇതാദ്യമായി ലോക്‌സഭാംഗമായി പാര്‍ലമെന്റിലേക്ക് പ്രവേശിക്കുന്ന പ്രിയങ്ക ഗാന്ധിയെ അദ്ദേഹം ഫോണില്‍ ഒപ്പിയെടുക്കുന്ന വീഡിയോ ആണ് സോഷ്യല്‍ മീഡിയയില്‍ വൈറലായിരിക്കുന്നത്. 
രാഹുലും പ്രിയങ്കയും തമ്മിലുള്ള ഇഴയടുപ്പത്തിന്റെ ആഴം പ്രതിഫലിക്കുന്ന നിരവധി ദൃശ്യങ്ങള്‍ നാം കണ്ടതാണ്. അതിലൊന്നായി ഇതും ചേര്‍ത്തു വെക്കുന്നു അവരെ സ്‌നേഹിക്കുന്നവര്‍. 

കോണ്‍ഗ്രസ് എം.പിമാര്‍ക്കൊപ്പമാണ് രാഹുലും പ്രിയങ്കയും ഒന്നിച്ച് പാര്‍ലമെന്റിലേക്ക് പ്രവേശിച്ചത്. ഇതിനിടയില്‍ പ്രിയങ്ക കുറച്ചു നേതാക്കളുമായി സംസാരിച്ചുനിന്നതിനിടെ ഹൈബി ഈഡനും ഡീന്‍ കുര്യാക്കോസിനുമൊപ്പം സംസാരിച്ചുകൊണ്ട് രാഹുല്‍ അല്‍പം മുന്നോട്ടുപോയി. സംസാരം കഴിഞ്ഞ് എം.കെ. രാഘവന്‍, കൊടിക്കുന്നില്‍ സുരേഷ് തുടങ്ങിയവര്‍ ഉള്‍പ്പെടുന്ന സംഘത്തോടൊപ്പം പ്രിയങ്ക പടവുകള്‍ കയറുന്നതിനിടെ 'ഒന്നു നില്‍ക്കൂ' എന്ന് പറഞ്ഞ് രാഹുല്‍ പ്രിയങ്കയെ ഫോട്ടോക്ക് പോസ് ചെയ്യിക്കുകയായിരുന്നു. 'ഇതുകൂടി ഒന്ന് എടുക്കട്ടേ' എന്നുപറഞ്ഞാണ് രാഹുല്‍ ഗാന്ധി, പ്രിയങ്ക പാര്‍ലമെന്റിലെത്തുന്ന അഭിമാനമുഹൂര്‍ത്തം തന്റെ മൊബൈല്‍ ഫോണില്‍ പകര്‍ത്തിയത്.

ഫോട്ടോ എടുക്കുന്നതിനിടെയുള്ള രാഹുലിന്റെ തമാശകള്‍ക്ക് ഹൈബി ഉള്‍പ്പെടെ പൊട്ടിച്ചിരിക്കുന്നതും കാണാം. ദൃശ്യങ്ങളിലില്ലാത്ത കെ.സി. വേണുഗോപാലിനെ എം.കെ. രാഘവനും കൊടിക്കുന്നില്‍ സുരേഷും ഫോട്ടോയിലേക്ക് ക്ഷണിക്കുന്നുണ്ടെങ്കിലും അുദ്ദേഹം എത്തിയില്ല.

വയനാട് ലോക്‌സഭ മണ്ഡലത്തില്‍ നടന്ന ഉപതെരഞ്ഞെടുപ്പില്‍ നാലുലക്ഷത്തിലേറെ വോട്ടുകളുടെ ഭൂരിപക്ഷത്തിന് വിജയിച്ച പ്രിയങ്ക ഗാന്ധി വ്യാഴാഴ്ച രാവിലെയാണ് സത്യപ്രതിജ്ഞ ചെയ്ത് ചുമതലയേറ്റത്. ഭരണഘടന കൈയിലേന്തിയാണ് സത്യവാചകം ചൊല്ലിയത്. സോണിയ ഗാന്ധിക്കും ലോക്‌സഭ പ്രതിപക്ഷ നേതാവ് രാഹുല്‍ ഗാന്ധിക്കുമൊപ്പം കസവു സാരിയണിഞ്ഞാണ് പ്രിയങ്ക എത്തിയത്. ഭര്‍ത്താവ് റോബര്‍ട്ട് വദ്രയും മക്കളും സുഹൃത്തുക്കളും സത്യപ്രതിജ്ഞ കാണാന്‍ പാര്‍ലമെന്റിലെത്തിയിരുന്നു.

Moment of the Day 🚨⚡

When Priyanka Gandhi was entering Parliament for the first time

Rahul Gandhi stopped her midway to click her pics to capture the historic moment 😄⚡

This is Pure Gold, Sibling Goals ❤️🔥 pic.twitter.com/CcLqykfkTr

— Ankit Mayank (@mr_mayank) November 28, 2024

A heartwarming moment as Rahul Gandhi records his sister Priyanka Gandhi’s first entry into Parliament as a Lok Sabha MP. The video has gone viral, showcasing a touching sibling bond amid a historic milestone.