റിയാദ്: ദേശീയ പൗരത്വ നിയമത്തിനെതിരെ രാജ്യമൊട്ടാകെ അലയടിക്കുന്ന പ്രതിഷേധ സമര പരിപാടികളോട് ഐക്യദാർഢ്യം പ്രകടിപ്പിച്ച് കൊണ്ട് റിയാദിൽ കെ.എം.സി.സി സെൻട്രൽ കമ്മിറ്റി സംഘടിപ്പിച്ച ‘ഷാഹിൻ ബാഗ് സ്വക്വയർ’ ഐക്യദാർഢ്യ സംഗമം കരിനിയമങ്ങൾക്കെതിരെയുള്ള പ്രവാസികളുടെ വേറിട്ട പ്രതിഷേധമായി മാറി. വെള്ളിയാഴ്ച ഉച്ചക്ക് ശേഷം റിയാദ് എക്സിറ്റ് 18ലെ നൂർ മാസ് ഓഡിറ്റോറിയ ത്തിൽ പ്രത്യേകം സജ്ജമാക്കിയ 'ഷാഹിൻ ബാഗ് സ്ക്വയറി'ൽ എത്തിയ നൂറ്‌ കണക്കിന്‌ പ്രവർത്തകർ തലയിൽ റിബ്ബൺ കെട്ടി പ്രതിഷേധ മുദ്രാവാക്യങ്ങൾ മുഴക്കി യൂത്ത് ലീഗിന്റെ നേതൃത്വത്തിൽ കോഴിക്കോടും അതോടൊപ്പം രാജ്യ തലസ്ഥാനത്തും മറ്റിടങ്ങളിലും നടക്കുന്ന പ്രതിഷേധ സമരമ പരിപാടികൾക്ക് ഐക്യദാർഢ്യം പ്രകടിപ്പിച്ചു.  

പരിപാടി റിയാദ് കെ.എം.സി.സി സെൻ ട്രൽ കമ്മിറ്റി ചെയർമാൻ അബ്ദുസലാം തൃക്കരിപ്പൂർ ഉദ്ഘാടനം ചെയ്തു. ട്രഷറർ യു.പി.മുസ്തഫ അധ്യക്ഷത വഹിച്ചു. മലപ്പുറം ജില്ലാ മുസ്ലീം യൂത്ത് ലീഗ് പ്രസിഡണ്ട് അൻവർ മുള്ളമ്പാറ മുഖ്യപ്രഭാഷണം നടത്തി. രാജ്യത്ത് നടക്കുന്ന സമര പോരാട്ടങ്ങൾക്ക് കരുത്ത് പകരുന്ന പ്രവർത്തനങ്ങളാണ്‌ യൂത്ത് ലീഗിന്റെ നേതൃത്വത്തിൽ നടന്ന് വരുന്നതെന്നും വിജയം കാണാതെ രാജ്യത്തിന്റെ അഭിമാനം നില നിർത്താനുള്ള
ഈ പോരാട്ടത്തിൽ നിന്നും ഇന്ത്യൻ ജനത പിന്തിരിയില്ലെന്നും അദ്ദേഹം പറഞ്ഞു. സാരെ ജഹാംസെ അച്ചാ ദേശ ഭക്തിഗാനം  ആലപിക്കുകയും രാജ്യത്തിന്റെ ഐക്യവും സാഹോദര്യവും ഉയർത്തിപ്പിടി ക്കുമെന്ന് പ്രതിജ്ഞയെടു ക്കുകയും ചെയ്തു. സെക്രട്ടറി സുബൈർ അരിമ്പ്ര പ്രതിജ്ഞ ചൊല്ലിക്കൊടുത്തു. ജില്ലാ, മണ്ഡലം കെ.എം.സി.സി കമ്മിറ്റി പ്രസിഡണ്ട്, സെക്രട്ടറിമാർ ചടങ്ങിന്‌ ആശംസ നേർന്നു. ഓർഗനൈസിംഗ് സെക്രട്ടറി ജലീൽ തിരൂർ സ്വാഗതവും സെക്രട്ടറി സഫീർ തിരൂർ നന്ദിയും പറഞ്ഞു. ഹബീബ് തവനൂർ ഖിറാഅത്ത് നടത്തി.

സലീം ചാലിയം, സത്താർ മാവൂർ, മുനീർ മക്കാനി, മുനീർ കുനിയിൽ, റൗഫ് അരിമ്പ്ര, അനീഖ് മുനീർ എന്നിവർ ദേശ ഭക്തിഗാനങ്ങൾ ആലപിച്ചു. സമാപന സമ്മേളനം സൗദി കെ.എം.സി.സി നാഷണൽ കമ്മിറ്റി വർക്കിംഗ് പ്രസിഡണ്ട് അഷ്റഫ് വേങ്ങാട്ട് ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡണ്ട് സി.പി.മുസ്തഫ അധ്യക്ഷത വഹിച്ചു.  കുഞ്ഞി കുമ്പള, അഷ്റഫ് വടക്കെവിള, സത്താർ കായംകുളം, ജയൻ കൊടുങ്ങല്ലൂർ, ഉബൈദ് എടവണ്ണ, അസ്ലം അടക്കാത്തോട്, അഷ്റഫ് ഓച്ചിറ, കെ.കെ.കോയാമു ഹാജി എന്നിവർ സംസാരിച്ചു. സുഫ് യാൻ അബ്ദുസലാം മുഖ്യപ്രഭാഷണം നടത്തി. ജനറൽ സെക്രട്ടറി എം.മൊയ്തീൻ കോയ സ്വാഗതവും സെക്രട്ടറി കെ.ടി.അബൂബക്കർ നന്ദിയും പറഞ്ഞു. സഹിഷ്ണുതയും സഹാനുഭൂതിയും നിറഞ്ഞ നാടിന്റെ പ്രതീക്ഷകളെ അനാവരണം ചെയ്തു കൊണ്ടുള്ള പ്രമുഖ കാഥികൻ നവാസ് പാലേരിയുടെ അവതരണവും പരിപാടിക്ക് മിഴിവേകി. സെൻട്രൽ, ജില്ല, മണ്ഡലം, ഏരിയാ കമ്മിറ്റി ഭാരവാഹികൾ പരിപാടികൾക്ക് നേതൃത്വം നൽകി.

ചിത്രം: റിയാദിൽ കെ.എം.സി.സി സെൻട്രൽ കമ്മിറ്റി സംഘടിപ്പിച്ച ‘ഷാഹിൻ ബാഗ് സ്ക്വയർ’