ഗൂഡല്ലൂര്‍: തേയിലത്തോട്ടത്തില്‍ ജോലി ചെയ്യുന്നതിനിടെ സ്ത്രീ തൊഴിലാളിയെ കരടി ആക്രമിച്ചു.
എച്ച്.എം.എല്‍ മേഫീല്‍ഡ് എസ്റ്റേറ്റ് തൊഴിലാളി രാജന്റെ ഭാര്യ ശ്രീജ (45)നെയാണ് കരടി ആക്രമിച്ചത്. കാലിന് സാരമായി പരുക്കേറ്റ ശ്രീജയെ നെല്ലാക്കോട്ട ഗവ. ആശുപത്രിയിലും തുടര്‍ന്ന് സുല്‍ത്താന്‍ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. തോട്ടത്തില്‍ തേയില പറിച്ചുകൊണ്ടിരിക്കെയാണ് കരടിയുടെ ആക്രമണമുണ്ടായത്. ചെടികള്‍ക്കടിയിലുണ്ടായിരുന്ന കരടി ശ്രീജയുടെ കാലില്‍ കടിക്കുകയായിരുന്നു.
തുടര്‍ന്ന് മറ്റുതൊഴിലാളികള്‍ ശബ്ദമുണ്ടാക്കിയതോടെ കരടി കാട്ടിലേക്ക് മറയുകയായിരുന്നു. വിവരമറിഞ്ഞ് വനം വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.