ടോക്കിയോ: യാത്രക്കാര്‍ക്ക് കൊറോണ ബാധിച്ചതിനെത്തുടര്‍ന്ന് ജപ്പാന്‍ തീരത്ത് തടഞ്ഞുവച്ച ആഡംബര കപ്പലിലുള്ള ഇന്ത്യക്കാരെ ഒഴിപ്പിക്കാന്‍ ശ്രമം നടക്കുന്നതായി ഇന്ത്യന്‍ എംബസി അറിയിച്ചു. 3711 യാത്രക്കാരുള്ള കപ്പലില്‍ മൂന്നു ഇന്ത്യക്കാരടക്കം 218 പേര്‍ക്ക് കൊറോണ സ്ഥിരീകരിച്ചിട്ടുണ്ട്.
ജീവനക്കാരും ആറ് യാത്രക്കാരും അടക്കം 138 ഇന്ത്യക്കാരാണ് കപ്പലില്‍ ഉണ്ടായിരുന്നത്. കഴിഞ്ഞമാസം അവസാനത്തിലാണ് ജപ്പാന്‍ ആഡംബരക്കപ്പല്‍ യോകോഹോമ തീരത്ത് തടഞ്ഞുവച്ചത്.
കപ്പലില്‍ വൈറസ് സ്ഥിരീകരിച്ച് ചികിത്സയില്‍ കഴിയുന്ന മൂന്ന് ഇന്ത്യക്കാരുമായി ബന്ധപ്പെട്ടതായും അവരുടെ ആരോഗ്യനില തൃപ്തികരമാണെന്നും അധികൃതര്‍ അറിയിച്ചു.