മംഗളൂരു: സ്വര്‍ണം കടത്തുന്നതിനിടെ മംഗളൂരു വിമാനത്താവളത്തില്‍ രണ്ടുസ്ത്രീകള്‍ പിടിയിലായി. ഇവരില്‍നിന്നു 28 ലക്ഷം രൂപയോളം വിലവരുന്ന സ്വര്‍ണം കസ്റ്റംസ് ഉദ്യോഗസ്ഥര്‍ കണ്ടെടുത്തു.
സ്വര്‍ണം ഉരുക്കി ടൂത്ത് പേസ്റ്റ് രൂപത്തിലാക്കി വസ്ത്രത്തിനിടയില്‍ ഒളിപ്പിച്ചു കടത്താന്‍ ശ്രമിക്കുകയായിരുന്നു ഇവര്‍. ഭട്കല്‍ സ്വദേശികളായ യുവതികളാണ് പിടിയിലായത്.
അതിനിടെ സമാന രീതിയില്‍ സ്വര്‍ണം കടത്താന്‍ ശ്രമിച്ച ഒരാളെയും കഴിഞ്ഞ ദിവസം മംഗളൂരു വിമാനത്താവളത്തില്‍ പിടികൂടിയിരുന്നു.