വളാഞ്ചേരി: സുന്നത്തുകള്‍ക്ക് ജീവന്‍ നല്‍കി നമുക്കിടയിലൂടെ സൗമ്യമായി കടന്നു പോയ അത്തിപ്പറ്റ ഉസ്താദ് നന്മകളുടെ തുറന്നുവച്ച പുസ്തകമായിരുന്നെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍.  അത്തിപ്പറ്റ ഫത്ഹുല്‍ ഫത്താഹില്‍ സംഘടിപ്പിച്ച അത്തിപ്പറ്റ ഉസ്താദ് അനുസമരണ സംഗമം ഉദ്ഘാടനം ചെയ്ത് സംസാരിക്കുകയായിരുന്നു. പാണക്കാട് സയ്യിദ് മുനവ്വറലി ശിഹാബ് തങ്ങള്‍ അദ്ധ്യക്ഷനായി. അബ്ദുസ്സമദ് സമദാനി മുഖ്യപ്രഭാഷണം നടത്തി. പ്രൊഫ. കെ. ആലിക്കുട്ടി മുസ്‌ലിയാര്‍, ഹകീം ഫൈസി ആദൃശ്ശേരി, ഇ.ടി. മുഹമ്മദ് ബഷീര്‍ എം. പി., പി. വി. അബ്ദൂല്‍ വഹാബ് എം. പി., അബ്ദുല്‍ വാഹിദ് മുസ്‌ലിയാര്‍, മുസ്തഫല്‍ ഫൈസി, അബ്ദുല്‍ ഗഫൂര്‍ ഖാസിമി, സാലിം ഫൈസി കൊളത്തൂര്‍, ഓണമ്പിള്ളി മുഹമ്മദ് ഫൈസി, സ്വലാഹുദ്ദീന്‍ ഫൈസി വല്ലപ്പുഴ, സയ്യിദ് ഉണ്ണിക്കോയ തങ്ങള്‍ കുരുവമ്പലം, സയ്യിദ് ഫദ്ല്‍ തങ്ങള്‍, യൂസുഫ് ബാഖവി, സുലൈമാന്‍ മുസ്ല്യാര്‍, സ്വിദ്ദീഖ് അലി രാങ്ങാട്ടൂര്‍, ഡോ. മുഹമ്മദ് അലി നടക്കാവ്, സി.പി.ഹംസ ഹാജി, അയൂബ് കുളത്തൂര്‍ സംസാരിച്ചു. സ്തുത്യര്‍ഹമായ സേവന പ്രവര്‍ത്തനങ്ങള്‍ക്ക് വിഖായ, വൈറ്റ് ഗാഡ്, ട്രോം കെയര്‍ ടീമുകള്‍ക്കും മാധ്യമ സേവനത്തിന് നൗഷാദിനും ഹൈദരലി തങ്ങള്‍ ഉപഹാരങ്ങള്‍ നല്‍കി.