എടപ്പാള്‍: സമയത്തെ ചൊല്ലിയുള്ള തര്‍ക്കത്തില്‍ രണ്ടു സ്വകാര്യ ബസ് ജീവനക്കാര്‍ക്കു പരുക്കേറ്റു. വഴിമുടക്കിയുള്ള തര്‍ക്കത്തെ തുടര്‍ന്നു രണ്ടു ബസുകളും പൊലിസ് കസ്റ്റഡിയിലെടുത്തു. ഇന്നലെ രാവിലെ ഒന്‍പതോടെ എടപ്പാള്‍-കുറ്റിപ്പുറം റോഡിലാണ് തൃശൂര്‍-കോഴിക്കോട് റൂട്ടില്‍ സര്‍വിസ് നടത്തുന്ന സ്വകാര്യ ബസുകളിലെ ജീവനക്കാര്‍ തമ്മില്‍ ഏറ്റുമുട്ടിയത്.
ഇതോടെ സംസ്ഥാനപാതയില്‍ അര മണിക്കൂറോളം ഗതാഗത തടസം രൂപപ്പെട്ടു. ഇതേ തുടര്‍ന്നു ചങ്ങരംകുളം പൊലിസ് സ്ഥലത്തെത്തി രണ്ടു ബസുകളും കസ്റ്റഡിയിലെടുത്തു. പരുക്കേറ്റ ബസ് ജീവനക്കാരെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു.