തിരുവനന്തപുരം: ശബരിമല ക്ഷേത്രത്തിലുണ്ടായ സംഭവങ്ങള്‍ ദൗര്‍ഭാഗ്യകരമായെന്ന് മാതാ അമൃതാനന്ദമയി. ശബരിമല കര്‍മസമിതി പുത്തരിക്കണ്ടം മൈതാനിയില്‍ സംഘടിപ്പിച്ച അയ്യപ്പസംഗമം പരിപാടി ഉദ്ഘാടനം ചെയ്യുകയായിരുന്നു അവര്‍. ഈശ്വരന്‍ സര്‍വവ്യാപിയാണ്. അങ്ങനെയുള്ള ഈശ്വരന് സ്ത്രീപുരുഷ വ്യത്യാസമില്ല. എന്നാല്‍ ക്ഷേത്ര സങ്കല്‍പം വ്യത്യസ്തമാണ്. സമുദ്രത്തിലെ മത്സ്യവും ടാങ്കില്‍ വളര്‍ത്തുന്ന മത്സ്യവും രണ്ടാണ്. നദികളില്‍ കുളിക്കാന്‍ പ്രത്യേക നിബന്ധന ആവശ്യമില്ല. എന്നാല്‍ സ്വിമ്മിങ് പൂളില്‍ കുളിക്കുമ്പോള്‍ പ്രത്യേക വസ്ത്രം ധരിക്കണം. അതിനാല്‍ ആചാരങ്ങള്‍ സംരക്ഷിക്കേണ്ടത് ആവശ്യമാണെന്നും അമൃതാനന്ദമയി പറഞ്ഞു.