പൊന്നാനി: പൊന്നാനിയിലും പരിസരപ്രദേശങ്ങളിലും വ്യാപകമായി മയക്കുമരുന്ന് വ്യാപാരം നടക്കുന്നതിനെതിരേയും കഴിഞ്ഞ ദിവസം ദുരൂഹ സാഹചര്യത്തില്‍ മരിച്ച റഷീദിന്റെ മരണത്തെക്കുറിച്ച് അന്വേഷിക്കണമെന്നാവശ്യപ്പെട്ടും പൊന്നാനി മണ്ഡലം കോണ്‍ഗ്രസ് കമ്മിറ്റി എക്‌സൈസ് സര്‍ക്കിള്‍ ഓഫിസ് ഉപരോധിച്ചു.
ഡി.സി.സി ജനറല്‍ സെക്രട്ടറി ടി.കെ അഷ്‌റഫ് ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് എം അബ്ദുല്‍ ലത്തീഫ് അധ്യക്ഷനായി.
എ പവിത്രകുമാര്‍, യു മുഹമ്മദ്കുട്ടി സീനിയര്‍, എം.എ ഷറഫുദ്ദീന്‍, അഷ്‌റഫ് മരക്കടവ്, കെ സൈനുദ്ദീന്‍ സംസാരിച്ചു.