ആലപ്പുഴ: അമ്പലപ്പുഴ റെയില്‍വേ സ്റ്റേഷന് അടുത്ത് ട്രെയിന്‍ പാളം തെറ്റിയതിനെ തുടര്‍ന്ന് ആലപ്പുഴ വഴിയുള്ള ട്രെയിന്‍ ഗതാഗതം തടസ്സപ്പെട്ടു.

പാത ഇരട്ടിപ്പിക്കലിന് മെറ്റലുമായി പോയ തീവണ്ടിയാണ് പാളം തെറ്റിയത്. ഉച്ചയ്ക്ക് 2.10ഓടെയായിരുന്നു സംഭവം.

തീവണ്ടി പാളം തെറ്റിയതിനെ തുടര്‍ന്ന് ഇതു വഴി കടന്നു പോകേണ്ട പല ട്രെയിനുകള്‍ പലയിടത്തായി പിടിച്ചിട്ടിരിക്കുകയാണ്. പാളം ശരിയാക്കുന്നതിനായി എറണാകുളത്ത് നിന്നും പ്രത്യേക സംഘം സംഭവസ്ഥലത്തേക്ക് തിരിച്ചിട്ടുണ്ട്. രണ്ട് മണിക്കൂറിനകം പാതയില്‍ തീവണ്ടി ഗതാഗതം പുനസ്ഥാപിക്കാനാവും എന്നാണ് റെയില്‍ അധികൃതര്‍ പറയുന്നത്.