കോട്ടയം: പ്രാദേശികതല വികസനത്തിനുള്ള അടിസ്ഥാന സ്ഥിതിവിവരക്കണക്ക് ശേഖരണവുമായി ബന്ധപ്പെട്ട് ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് വകുപ്പിലെ ഇന്‍വെസ്റ്റിഗേറ്റര്‍മാര്‍ക്ക് പരിശീലനം നല്‍കി. കോട്ടയം ഓര്‍ക്കിഡ് റസിഡന്‍സിയില്‍ നടന്ന പരിശീലന പരിപാടി ടൗണ്‍ പ്ലാനര്‍ സുജ മത്തായി ഉദ്ഘാടനം ചെയ്തു. ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് വകുപ്പ് ഡെപ്യൂട്ടി ഡയറക്ടര്‍ മേരി ജോര്‍ജ്ജ് അധ്യക്ഷത വഹിച്ചു. ഡെപ്യൂട്ടി പ്ലാനിംഗ് ഓഫീസര്‍ ലിറ്റി മാത്യു, പഞ്ചായത്ത് ഡെപ്യൂട്ടി ഡയറക്ടര്‍ സലിം ഗോപാല്‍, മൃഗസംരക്ഷണ വിദഗ്ദ്ധന്‍ ഡോ. ശരത് കൃഷ്ണന്‍ എന്നിവര്‍ സംസാരിച്ചു.  റിസര്‍ച്ച് ഓഫീസര്‍ എം.കെ ശ്യാം നാഥ് സ്വാഗതവും  ജില്ലാ ഓഫീസര്‍ സഹജന്‍ നന്ദിയും പറഞ്ഞു.