കൊച്ചി: തോപ്പുംപടി അരൂജാസ് സ്‌കൂളിലെ പത്താം ക്ലാസ് വിദ്യാര്‍ഥികള്‍ക്ക് പരീക്ഷാ എഴുതാനാകാത്ത സംഭവത്തില്‍ സി.ബി.എസ്.ഇക്കെതിരേ ഹൈക്കോടതിയുടെ രൂക്ഷ വിമര്‍ശനം. ദില്ലിയിലിരിക്കുന്ന സിബിഎസ്ഇ അധികൃതര്‍ ഇവിടെയെന്താണ് നടക്കുന്നതെന്ന് അറിയുന്നില്ല. വിദ്യാര്‍ഥികള്‍ക്ക് പരീക്ഷയെഴുതാന്‍ അവസരമുണ്ടാകണം. അവര്‍ക്ക് ഒരു വര്‍ഷം നഷ്ടപ്പെടാന്‍ പാടില്ലെന്നും അതിനുവേണ്ടി തുടര്‍ സാധ്യതകള്‍ പരിശോധിക്കണമെന്നും കോടതി നിര്‍ദേശിച്ചു. ഇതിന്റെ ഭാഗമായി പൊതുവിദ്യാഭ്യാസ ഡയറക്ടറെ ഹരജിയില്‍ കക്ഷി ചേര്‍ക്കാനും കോടതി നിര്‍ദേശിച്ചു.

അംഗീകാരമില്ലാത്ത സ്‌കൂളുകള്‍ക്ക് എതിരെ നടപടി ഇല്ലാത്തത് എന്തുകൊണ്ടാണെന്ന് കോടതി ചോദിച്ചു.
നിങ്ങളുടെ മൗനം ലാഭക്കൊതിയന്മാര്‍ മുതലെടുക്കുന്നുവെന്ന് സി.ബി.എസ്.ഇ റീജിയണല്‍ ഡയറക്ടറോട് കോടതി പറഞ്ഞു. കുട്ടികളെ ചൂഷണം ചെയ്യാന്‍ അനുവദിക്കുന്നത് എന്തിനാണെന്നും രാജ്യത്ത് നിങ്ങള്‍ക്കുള്ള ബ്രാന്‍ഡ് വാല്യൂ അറിയില്ലേ? എന്നും കോടതി ചോദിച്ചു.

അഫിലിയേഷന്‍ ഇല്ലാത്തതിനെത്തുടര്‍ന്ന് അരൂജാസ് സ്‌കൂളിലെ 29 വിദ്യാര്‍ഥികള്‍ക്കാണ് ഇത്തവണ പത്താം ക്ലാസ് പരീക്ഷ എഴുതാന്‍ സാധിക്കാതിരുന്നത്.