ജിദ്ദ: ഇന്റർനാഷണൽ സ്കൂൾ അധ്യാപികയും ഉത്തർ പ്രദേശിലെ ലഖ്നൗ സ്വദേശിയുമായ ഫൗസിയ ഇഖ്തിദാർ (49) വാഹനാപകടത്തിൽ മരിച്ചു.

ഭർത്താവും അധ്യാപകനുമായ ഖമറുൽഹസനെ പരിക്കുകളോടെ ജിദ്ദ ജിദാനി ആശുപത്രിയിൽ പ്രവേശിപ്പിച്ചു. ബോയ്സ് സ്കൂളിൽ 6-8 ബ്ലോക്കിൽ ഇംഗ്ളീഷ് അധ്യാപികയായിരുന്നു മരിച്ച ഫൗസിയ. ഭർത്താവ് ഖമറുൽ ഹസൻ ബോയ്സ് സ്കൂൾ പി.ടി അധ്യാപകനാണ്.

മൃതദേഹം ജിദ്ദയിലെ സുലൈമാനിയ്യ ഈസ്റ്റ് ആശുപത്രി മോർച്ചറിയിൽ സൂക്ഷിച്ചിരിക്കുന്നു

ഇവർ താമസിക്കുന്ന രിഹാബിൽനിന്ന് കഴിഞ്ഞ ദിവസം രാത്രി ലുലു മാളിലേക്ക് കാറിൽ പോകുമ്പോഴാണ് അപകടം. ഇവരുടെ അടുത്ത ബന്ധു ആശുപത്രിയിലെത്തിയാണ് മൃതദേഹം തിരിച്ചറിഞ്ഞത്. ഇവരുടെ രണ്ട് മക്കൾ ഡൽഹിയിൽ വിദ്യാർത്ഥികളാണ്.