കോഴിക്കോട്: മത വിദ്യാഭ്യാസ രംഗത്ത് കേരള മോഡല്‍ പദ്ധതികള്‍ വിശദീകരിച്ച് നാഷനല്‍ ഡെലിഗേറ്റ്‌സ് മീറ്റ്. അസം എം.എല്‍.എ ശേര്‍മാന്‍ അലി അഹമ്മദ്, മഹാരാഷ്ട്ര ഖാസി മൗലാന മുഹമ്മദ് അലാവുദ്ദീന്‍ ഖാദിരി പൂനെ, അബ്ദുല്‍ മതീന്‍ സാഹെബ് വെസ്റ്റ് ബംഗാള്‍, അമീര്‍ ഹുസൈന്‍ സാഹെബ് ആന്ധ്രാപ്രദേശ് എന്നിവരുടെ നേതൃത്വത്തില്‍ വിവിധ സംസ്ഥാനങ്ങളില്‍ നിന്ന് നൂറോളം പ്രതിനിധികളാണ് മീറ്റില്‍ പങ്കെടുക്കാനെത്തിയത്. ന്യൂനപക്ഷങ്ങള്‍ നേരിടുന്ന പ്രതിസന്ധികള്‍ മറികടക്കാനും രാജ്യത്ത് തങ്ങളുടേതായ സ്വത്വം നിലനിര്‍ത്തി അവകാശങ്ങള്‍ നേടിയെടുക്കാനും കേരള മോഡല്‍ വിദ്യാഭ്യാസ രീതികള്‍ രാജ്യത്ത് ആവശ്യമാണ്. ഇത്തരം മുന്നേറ്റങ്ങള്‍ക്കായി മതസാമൂഹ്യ രംഗത്തെ നേതാക്കള്‍ ഒന്നിച്ച് പ്രവര്‍ത്തിക്കേണ്ടതുണ്ടെന്നും മീറ്റ് ആവശ്യപ്പെട്ടു.
മഹാരാഷ്ട്ര ഖാസി മുഹമ്മദ് അലാഉദ്ദീന്‍ ഖാദിരി പൂനെ ഉദ്ഘാടനം ചെയ്തു. സമസ്ത കേരള ജംഇയ്യത്തുല്‍ മുഅല്ലിമീന്‍ ജന.സെക്രട്ടറി ഡോ.ബഹാഉദ്ദീന്‍ മുഹമ്മദ് നദ്‌വി അധ്യക്ഷനായി. വിവിധ സെഷനുകളില്‍ ശറഫുദ്ദീന്‍ ഹുദവി ആനമങ്ങാട്, മുസ്തഖീം ഫൈസി ഉത്തര്‍പ്രദേശ്, റഫീഖ് കോലാരി, അബ്ദുല്‍ ഗഫൂര്‍ അല്‍ ഖാസിമി കുണ്ടൂര്‍, എസ്. സഈദ് മുസ്‌ലിയാര്‍ വിഴിഞ്ഞം, വി.എം സൈനുദ്ദീന്‍ ഹാജി, അബ്ദുറഹ്മാന്‍ നദ്‌വി മംഗലാപുരം, അഹ്മദ് വാഫി കക്കാട്, ഡോ. അബ്ദുറഹ്മാന്‍ ഫൈസി മുല്ലപ്പള്ളി, ഡോ. സുബൈര്‍ ഹുദവി ചേകനൂര്‍, അഡ്വ. മുഹമ്മദ് ത്വയ്യിബ് ഹുദവി, അബൂബക്കര്‍ ഹുദവി കരുവാരക്കുണ്ട് സംസാരിച്ചു.