ഗൂഡല്ലൂര്‍: നാടുകാണി ചെക്‌പോസ്റ്റില്‍ വച്ച് തൃശൂര്‍-മൈസുരു റൂട്ടിലോടുന്ന കെ.എസ്.ആര്‍.ടി.സി ബസില്‍നിന്നു അനധികൃതമായി കൊണ്ടു പോവുകയായിരുന്ന മദ്യ കുപ്പികള്‍ തമിഴ്‌നാട് പൊലിസ് പിടികൂടി. സംഭവവുമായി ബന്ധപ്പെട്ട് കാളപള്ളി സ്വദേശി സന്തോഷ് കുമാര്‍ (30)നെ പൊലിസ് അറസ്റ്റ് ചെയ്തു. നാടുകാണി ചെക്‌പോസ്റ്റില്‍ എസ്.ഐ യേശു മറിയാന്റെ നേതൃത്വത്തില്‍ നടത്തിയ വാഹന പരിശോധനക്കിടെയാണ് ബസില്‍നിന്നു മദ്യ കുപ്പികള്‍ കണ്ടെത്തിയത്. സഞ്ചിയില്‍ ഒളിപ്പിച്ച നിലയിലായിരുന്നു മദ്യ കുപ്പികള്‍. 26 മദ്യ കുപ്പികളും പിടിച്ചെടുത്തിട്ടുണ്ട്.